أسعدكم الله
أبيات كيبوردية علها تروق لكم
ياليل بلغها ترى الشوق قتال...=الصدر ضايق والمشاعر حزينه...
وشلون بلقا بعدها راحة البال...=والا يحل بقلب عاشق سكينه...
انزف وله ماهو بيخطر على بال...=من حرقة بالجوف مرة لعينه...
اشيل في قلبي هوى صعب ينشال...=كن الحشا يرجفه راجف مكينه...
للي لها بالروح حشمة ومنزال...=روحي لها ياليل صبة رهينه...
كل ليلة والحلم ينقل لمرسال...=أحلام خفت بالعقول الرزينه...
أحلامنا ياليل ما عاد تنطال...=وجروحنا بين الحنايا دفينه...
تباعدت أقدارنا والعنا نال...=بيض القلوب وزاد للبل طينه...
مدري متى هم البعد عاد ينزال...=نرسي على شط الوصل كالسفينه...
تضحك لنا الأيام وتزين الحال...=عقب الليال السود نلبس لزينه...
ياليل خبرها ترى الشوق بوصال...=يرتاح به صدر ومشاعر حزينه...
التميز
الإهداءات
ياليل بلغها ترى الشوق قتال !!!
رد: ياليل بلغها ترى الشوق قتال !!!
