أسعدكم الله
الأبيات بدون مقدمات
الناس حولي كثير وكني لحالي=الفكر شارد مع اللي كم تمنيته
في داخلي من شديد الوجد ولوالي=يجمح مع القاف لين القاف بكيته
لاصرت مأنت بمعي ياللي على بالي=أسج هاجوس فكري لين عنيته
أسهر وروحي تمنى جية الغالي=أمني النفس ليت الحلم ياليته
يصدق وأشوف المنى بعيوني قبالي=وأضم من لهفتي محبوب حبيته
لكن يا حسرتي من حلم يطرا لي=ياما بصوتي مع السجات ناديته
تعال حالي مغربل حيل غربالي=حيلي من الشوق يامضنون هديته
أحس خلف الضلوع العوج زلزالي=من ونةٍ(ن)كل ما طيفك تواريته
أون والناس ما تدري عن الحالي=من لهفةٍ(ن)بالحشا لمعشوق هاويته
عقب غيابه يقلبي جرح ما زالي=لو هو يداوى بطبٍ(ن)كان داويته
جرح الهوى بالحشا مرٍ(ن)ويحلا لي=لولاه ما كان جزل الشعر غنيته
غنيت له من لحون العشق موالي=ياما قصيدٍ(ن)بعذب الروح سويته
قصائد الشعر للمعشوق مرسالي=والقلب لو ينرسل للزين دزيته
يشكي له الحال من جمر الهوى الصالي=اللي من الحب وسطه نار شبيته
من لوعة الشوق ياأهل الود يبكى لي=عزيز دمعي لعينه ما تغاليته
لأجل الغلا دمع عيني وبل همالي=غصبٍ(ن)على الصبر فوق الخد هليته
بالمختصر مثل ما قالوا بيرثا لي=الحال من بعد غاب الولف مليته
والناس حولي كثير وكني لحالي=الفكر شارد مع اللي كم تمنيته
التميز
الإهداءات
الناس حولي كثير وكني لحالي !!!
رد: الناس حولي كثير وكني لحالي !!!
