بحقي أخطيت !!!

قصيدة للشاعر : حمد السعيد

ياللي غيابك طال وبحقي اخطيت=
هذا شهر ما اشوف للوصل نية=
هن كانت اسبوعين لكن تماديت=
في غيبتك كنك تنفذ وصية=
لعبت باعصابي ولا قلت مليت=
لا راح اقول باكر مجية=
عانيت بغيبتك انا حيل عانيت=
يابغضني للبعد يا رحم حيه=
عقبك مشاويري من البيت لليت=
اخاف لا دقيت ماني هنيه=
الله ياني في غيابك تحريت=
اثر المفارق صعب ماهو شويه=
هذا شهر وش عاد لو انك ابطيت=
والله لتلقى لك هنيا ضحية=
البارحة مابين يمكن ويا ليت=
وابليس يتركني ويرجع عليه=
فكرت لو طول غيابك ولاجيت=
يعني كذا روحه ومن غير جيه=
خانتني الدمعة وطاحت وصديت=
ملعون ابو التفكير يذبح خوية=

اختيار رائع دائما تبهرينا يا روح القصيد

قصيدة ممتازة صح لسان الشاعر والراوي

اختيار ممتاز قصيدة جميلة ومعبرة


الله يوفقك

يعطيك العااااافيه يارووووح القصيد على الاختياااار المميز

تحياااااااااتي

تسلم الايادي والذوق الراقي احسنتي بالاختيار

شكرا لكل من شرفني بالرد ما انحرم منكم

جميل ما اخترتي صح نبضك والقلم

صح لسان الناقب والشاعر وشكرا لك

اختيار ممتاز



تسلم الايادي