جديدنا
يالله يـامـرسـل سـحـابا مـراويـح
تـكتب لـنا مـن مقبل الخير قسمة
يـحـيا بـهـا يـاربـنا يـابس الـشيح
ونـحـيا بـهـا يـاربـنا مـنـك رحـمـة
الـخلق تـفرح بـالمزون الـمساريح
سـقـياك لـلـي تـخـلقه مـنك نـعمة
يـارب تصرف شر في طية الريح
مـانـحـتمل يـاربـنـا مــنـك نـقـمـة
نـون ون أهـل الـقلوب الـمجاريح
ونطغى طغى فرعون في كل لمة
حـنا ضـعوف وللمعاصي مشافيح
وأنت الرحيم اللي تسامح بحكمة
يـارب مـا تـنفعك طـاعة مصاليح
ولاهو بضارك ذنب شيخ ٍ ورخمة
تـمهل ولا تـهمل ذنـوب وتـسابيح
عـندك جـزاها مـاخفي عـنك نـمة
يـــارب يـامـولاي لـذنـوبي تـبـيح
سـترك وعـفوك فـي قليل ومطمة
أيــب الـيـك بـكـل هــم وتـفـاريح
يــارب نـور مـنك فـي قـبر ظـلمة
تـسقي ثـرانا بـالسحاب الـمراويح
وتكتب لنا من مقبل الخير قسمة
ⒿⒶⒷⒺⓇ
التميز
الإهداءات
نطغى طغى فرعون في كل لمة
رد: نطغى طغى فرعون في كل لمة
