هذه الابيات قلتها في الحفل المقام بقصر زهرة السيل ليلة الخميس بمناسبة عزيزه علينا جميعا
ياالله يامعبود ياوال الاقدار = يافارج الكربات منشي الغمامي
يامحيي الارض المحل عقب الامطار = بامرك تسوق الغيث شرق وشامي
والارض لبست واستسرت بمخضار= والنبت فتق في ثراها الكمامي
ويامنجي ابراهيم من واهج النار= يااللي جعلت النار برد وسلامي
يوم ان راع الكفر والخزي والعار= شد الحزام ولانوى بالرحامي
اخزيته بقدرتك يارب الابرار= ورفعت عبدك في رفيع المقامي
عاون هل التوحيد والفضل والكار= ملوكنا درع الوطن والحزامي
ملوكنا اللي للوطن درع وستار= عيونهم دون الشعب ماتنامي
من حقنا الطاعه لهم سر وجهار= ومن حقنا نوليهم الاهتمامي
لان الوطن في ذمة المخلص البار= لو باع روحه بالفدا مايلامي
من دون الارض الطيبه نرخص اعمار= فالحرب والا في نهار السلامي
هاضت هجوسي واستحثيت الافكار= وجتني كما ورد القطيع الحيامي
وسجيت خيل العز في كل مضمار= والسابقه حثت جهدها همامي
عن واجب الاخوان مافيه معذار= صف التلاحم عزته باالامامي
سلام رديه كما قطف الاثمار= عداد من كبر وصلى وصامي
والا كما در المغاتير الابكار= اللي رعت عشب على الروض نامي
اسوقها فوق الرياجيل الاخيار= كسابة الطاله عزاز المقامي
ربعي هل الامجاد وافين الاشبار= سقم المعادي في نهار الزحامي
اهل الحكم في كل مارد ومصدار= منهو نصاهم فالقسا مايضامي
مذخور عود في دروب الوفا سار= ثابت على اسمه في نهار الزيامي
تحت شيوخ تفتل الراي والشار= جبال شمخ ماغطاها العسامي
الله يبارك في طويلين الاعمار= الطيب رفرف في كنفهم وحامي
ستة شهور خيم الحزن فالدار= والعين سهرت ماتذوق المنامي
والحال مبريه كما عود نجار= ماكنها تنعم بطيب الطعامي
ماغير نسمع ونتحرى للاخبار= وكل على الاخبار جيعان ضامي
والكل منا صابه الهم واحتار= والحمد لله مر مثل الحلامي
حسبي على اللي دق فاالباب مسمار= عز الله انه من خساس لئامي
راع الغدر والظلم فاالناس منهار= وجزاه نار في نهار القيامي
والحمد للي بدل العسر بايسار= الواحد المعبو رب الانامي
فزع لهم رب عليم باالاسرار= والحق بان وزاح ظلم الظلامي
استبشري يادارنا دار الاحرار= بقدوم قوم الدين واهل الصيامي
اهل الوفا والطيب وافين الاشبار= خيرة شباب السيل نعم الحشامي
عم الفرح فالسيل لصغار وكبار= والعيد عاد اللي يجي كل عامي
عز الله ان الدار شعت بالانوار= والليله الفرحه بخير الاسامي
تركي وفواز ومحمد هل الكار= وعبد العزيز ابن الرجال الامامي
وسعود باسمه فالعلا طير غيمار= وفايز بميقافه شبيه الحسامي
التميز
الإهداءات
مناسبة عزيزه على قلوبنا
