عيد المحبة !!!

أسعدكم الله


عيد الحب عند الغرب

و

عيد الحب عند العرب

ليش تعكس قوانين الهوى بدون سبه=كن ودك تبكيني وتدمي لعيني
البشر تحفل وتعيش عيد المحبه=وأنت تقطع حبال الوصل بينك وبيني
عيدهم وردةٍ(ن)حمرا وهمسة وحِبه=وأنتي بعيدنا لو عام ما تذكريني
ليه ترمي عروش أحلامنا جوف غبه=هجرك اللي سقمني قبل لا تذبحيني
المشاعر بدونك عايشة جو غربه=جوف صدرٍ(ن)من الضيقة هدمه الونيني
كن جوفه وقايد من ضلوعي مشبه=تحرق الدم والأعصاب مالي معيني
أتسلى بشعرٍ(ن)مانفع قدر حبه=القصائد تزود بلة الجرح طيني
كم بنينا قصور وكم هدمنا لقبه=في قديم السنين وفي جديد السنيني
سجلي ياليالي نكبة الود نكبه=مثل نكبة فلسطيني طرده اللعيني
من وقع بالهوى والحب طبته طبه=مكسبه من زمانه عاد صفر اليديني
الهوى كم قلبٍ(ن)بالليالي لعبه=وأنت ودك تجرب لعبة الحب فيني
قمت تعكس قوانين الهوى بدون سبه=كن ودك تبكيني وتدمي لعيني

أستاذي :حرفك بحر عميق فاض بالجمال
يغرقنا ثمالة بروعة البوح .

أما عيد الحب فـ بصدق المشاعر كل يوم في حياة المحبين في عيد .

أستاذي بن هليل :صح نبضك ودمت بألق
تقديري

لله در حرفك يا مبدع القوافي


صح لسانك عسى كل ايامك اعياد

شاعرنا المبدع والمميز

صح لسانك على هذا الابداع الراقي

المليء بالحب والمشاعر الرائعه

عيدالحب لديهم يوم في العام

وعيدمحبتنا يوما على مدار العام

نحمدالله على نعمة الاسلام

لك التحيه والتقدير

صح لسانك مدد ماهو عدد ابدعت لا هنت



تقبل التحية

صح لسانك مليون ولا يكفون



ابداع شاعر

روووعة صح لسانك يا استاذ الشعر ربي يسعدك

يعطيك العافية



صح لسااااااااااانك

صح لسانك شاعر الابداع روعة ربي ما يحرمنا منك

صح لسانك واعتلا شانك ابداع غير مستغرب من استاذ الشعر


خالص التحية