يفز قلبي من لذيذ الرقادي

قصيدة للشاعر : مدله الضميان الجذع

يامل قلباً كل ماقلت هادي=جاته هواجيس الغرام وغدتبه
من سبت اللي ساكناً في فوادي =اتحكم قلباً في هواها مشتبه
اجروح قلبي من سببها جدادي=تجددت عقب الليال انتحتبه
يفز قلبي من لذيذ الرقادي=ساعة حلوم الليل للقلب جتبه
مامثلها بين الحضر والبوادي=عندي جميع الكون ماسيرتبه
العين عين اللي بوقت الهدادي=جول الحباري بالمطير اعثرتبه
شيهانتاً تكثر عليها المعادي=ميكارها روس الطويل اعتلتبه
والعنق عنق اللي ترب الحمادي=ريميةٍ قفر المفالي رعتبه
وردفٍ يتل الثوب والنهد بادي=تفاح شامٍ بالغصون اثمرتبه
وهرجه حليب مبهلات التوادي=اللي زماليق العشوب ارتعتبه
قالو تحبه قلت شياً وكادي=حبه معاليق الفواد ارتوتبه

تسلمي يا ذوق

صح لسان الشاعر وسلمت يمناك

كلك ذوق يعطيك الف عافية احسنتي

صح لسانك مليااااااااااااااااااار اختيار راقي

اختياراتك راقية


صح لسانك ولسان الشاعر

احسنتي بالطرح يا ذوق



معجب

كلك ذووووووق صح بوحك ياروح القصيد

اختيار ذوق تسلم الايادي يا روح القصيد

صح لسانك ولسان الشاعر اللي قال القصيدة

انرتم متصفحي شكرا لكم جميعا