قصيدة للشاعر ياسر السليس
يا جنان الحب والعيـش الرغيـد =لا يجي طـاري مـوادع وافتقـاد
لو فقدتك صرت كالطير الشريـد =ولا اهتنت عيني بدونـك بالرقـاد
لكن اللي مثل خلـي مـا يجيـد =القساوة .. كيف عـاد الابتعـاد
وعن دروب الحب قلبي مـا يحيـد=وحبك العلم الحقيقـي والوكـاد
كيف أدور بعدك الحـب الجديـد=وأنت كل الحسن في حضر ٍ وبـاد
سحر عين ولين خد وحسن جيـد=وفتنة ٍ ما مثلها مـن يـوم عـاد
ورمشك الذبـاح للفتنـة بريـد=في فؤادي معلن ٍ صـوت الجهـاد
والثنايـا لونهـا لـون الجلـيـد=والشفايف تسحـر العقـل بعنـاد
وريقك الحالي على السكـريزيـد= مثل فعل الخمـر بعقـول العبـاد
وحسن وجهك من صباح العيد=عيدوشعر يهدي للدجى معنى السـواد
والنهود اللي كما الطلـع النضيـد=ما يلاقـى مثلهـا فـي كـل واد
مثل حد السيف تفعـل مـا تريـد=هي رشاد القلب لو ضاع الرشـاد
وردفك اللي لا بطش بطشه شديد =يكتم الأنفـاس ويذيـب الجمـاد
لا لمحتـه كـل مـا فينـي يبيـد=وعشت لحظات التعاسـة والنفـاد
ومع نسانيس الهوى عـودك يميـد=كل ما مادت غصون الـورد مـاد
بالعذوبـة ينشـد الفتنـة نشيـد=يعزف ألحـان الدلـع والانفـراد
ولو بغيتي زبـدة الحكـي المفيـد=وغاية القول الصحيـح المستفـاد
بعد زينك ما تسمى الغيـد غيـد=وصار سوق الحسن بعدك في كساد
وأشهد إنك يا بعد عمـر القصيـد=نـادر ومالـك شبيـه ٍ فالبـلاد
كيف أنا ما أهواك يالعطر الفريـد=يا بعـد كـل الخلايـق والعبـاد
جعل عمرك يا هنا عمـري يزيـد=ومن سنيني يا بعد عمـري يـزاد
التميز
الإهداءات
جنان الحب
رد: جنان الحب
