جت يمي تمايـل والعبـاة مخصـرة وجنـان

قصيدة اعجبتني اهديها لكم

ليا منك مشيت من الخبر طالع علـى الظهـران=يمينك سوق مابه سوق في العالـم يحالـي لـه
خيالي يتعب اهل الوصف في التصميم والاتقـان=ومن كل الجهـات يحصـل العاشـق مداخيلـه
وانا مالي ومالـه ميـر مريتـه وانـا طفشـان=وطرالي ماطرا قلت اكسـر الروتيـن واجيلـه
ويومني دخلتـه مرنـي جـولٍ مـن الغـزلان=وقفت وصحت باعلى الصوت يادنيا مننتي لـه
وقالت وحـده هـذا غريـب الـدار والخـلان=يحاتينـا تعالـوا ناخـذ علومـه ونحكـي لـه
اكيد انه مـن المريـخ طـار وضّيـع العنـوان=وتعطل مركبه فـى الجـو وانحلـت صواميلـه
وحـول بالمظلـة عندنـا يـومٍ يومـه حــان=لانه قبـل عـام الفيـن ودع وانقـرض جيلــه
وجت يمي تمايـل والعبـاة مخصـرة وجنـان=وعليها لبس يرسم جسمهـا باصغـر تفاصيلـه
وقالت هاي قلـت الهـاي والله طرفـك الفتـان=وقالت سالفـه تكفـا دخيـل خشيمـك دخيلـه
وقلت الا ابشري باللي تبينـه ياغصيـن البـان=رزيـن العقـل لوجيتيـه طلعتـي محاصيـلـه
وقمت اشرح واسولف عن ربيعٍ جا على الصمان=وبدوٍ خيلـت نـوض البـروق وجاتـه محيلـه
واعلمهن عن الخلفـات واسـم عيالهـا حيـران=وقاعٍ قفـر ماحـي وطابـه مـن بعـد سيلـه
وفرقان العرب فـي صيهـدٍ دوبـن نبتـه زان=وبنات البدو حلوات النبـا اللـي مابهـن حيلـه
وقامت وحـده مـن بينهـن وغزهـا الشيطـان=وقالت ذا الشماغ اللي على هامتك وشهـي لـه
ورى ماتشتري لك جنز فاخر من هـذا الدكـان=مثـل هـذا الولـد. وليانـه يسحـب سراويلـه !!
وقلـت الحمـد لله لاهبيـل ولانـي بعـريـان=ولبسي لبس ابوي ومستحيـل ارضـى بتبديلـه
وقالت هذي الموضة متـى تصحـون يابـدوان=وقلت الا الرخامه وزعـت اللـي بـاردٍ حيلـه
فمـان الله لـو قلبـي عليـك مولـع نـيـران=ابا ادوّر غرامي وانتي المشبـوه روحـي لـه
انارجل بدوي وافضل المقنـاص فـى البـران=وظبي البر يفهم في قصيـدي يـوم اغنـي لـه

الشاعر:ضاوي العصيمي

اختيار رائع صح لسانك ولسان الشاعر


تقديري

سلمت ذائقتك روح القصيد وصح لسان الشاعر
شكرا لك لا عدمتك

يسلمو روح القصيد خالص الود عزيزتي

صح لسان الشاعر والراوي


احسنتي الانتقاء

يعطيك العافيه يا روح القصيد على اختيااااراتك المميزة

تحيااااااااتي

يسلمو روعة اختيار راقي خالص الود

اختيار جميل


تقبلي التحية

يسلمو احسنت بالاختيار كلك ذوق

يسلمو اصدقائي شكرا لك من مر متصفحي

وصح بدن من رد