حسبنا الله ونعم الوكيل
رحم الله شهداء الطواري وكل شهداء الوطن الذين قتلوا وهم ساجدون
كلنا مشاريع شهادة ونحن لله سجود .... حسبنا الله على المجرمين
يا دواعش الوطن كله عسير=كلنا من دون وحدتنا جنود
اختراق الصف ياداعش عسير=كلنا من دون موطنا سدود
من قطيف الخير الى جدة بخير=ما ذخرنا دون موطنا جهود
دمنا واحد ويجمعنا مصير=ما علينا في تكاتفنا قيـود
الوطن والدين ما يبدل بغير=والقيادة والحكم لآل السعود
والله لتخسون يا خس النفير=ما تهزوا للعروش وللأسود
الخيانة والغدر فعل الحقير=فعلكم و وجيهكم شينة وسود
مثل لون أعلامكم عيرة لعير=يا خوارج يا شبيهين اليهود
دينكم ماهو بدين أخر نذير=أبشروا بالنار تحرق للجلود
بالحياة وبالممات وبالنشير=زاد للنيران تحصدكم وقود
ما تبعكم غير من عقله صغير=ما يميز بين حد من الحدود
السعودية عصية ياكفير=دونها حد المهند يا قرود
دونها الشجعان والموت الخطير=يلطمون وجيهكم فوق الخدود
المقابر جاهزة قر القرير=يا طعام الدود في جوف اللحود
أبشروا بالموت والعمر القصير=مالكم برقابنا حق وعهود
عزمنا كبير ما ينقص كبير=من قديم ومن على عهد الجود
الوطن منير بالحق المنير=أمة الإسلام والعالم شهود
السعودية حمى للمستجير=دونها الفرسان من كل البدود
يا دواعش الوطن كله عسير=كلنا من دون وحدتنا جنود
التميز
الإهداءات
الوطن كله عسير !!!!
رد: الوطن كله عسير !!!!
