طابت أيامكم ولياليكم
بـشويش يـاللي مـرورك مثل رش الغمام
سـيل مـشاعر قـصيدي بـاللحون الـجداد
بـشـويش لا تـجـرحين لـقـلبي الـمستهام
يـالـمزنة الـلـي كـساك مـن الـتبرج سـواد
بـغيت مـنك الـسلام ولا حـصل لي سلام
مـاغـير بـالـقلب خـفـق وبـالـكيان ارتـعاد
حسبي على كعبك اللي طق وجه الرخام
كــنـه يــطـق الـضـلـوع ومـتـجـه لـلـفؤاد
حـسبي عـلى وجهك اللي ما ستره اللثام
وحـسبي عـلى الـزين كله عن كذا مايزاد
حـاولت اقاوم لكني طحت طيحة صرام
جـزه مـحش الـمزارع فـي زمان الحصاد
غـديـت مـثـل الـبعير الـلي يـقاد بـخطام
يــا شـين حـال الـكريم الـلي بـعينه يـقاد
جـهـلـت بــعـد الـرزانـة يـارشـيق الـقـوام
أتـبع بـعيني خـطاك وضـاع عـقل الرشاد
لــيـت الأمـانـي تـرجـع مـانـعين الـحـرام
اهــل الـبـشوت الـقصار مـطوعين الـعباد
فـي عـهدهم كنت سالم من حصاد الأثام
مــا كـانت الـعين تـبصر مـغريات الـفساد
والـلـيلة الـقـلب فـوقـه طـائر الـغي حـام
يالله تــلـطـف بـحـالـي يـاكـريـم ٍ جـــواد
تصرف عن النفس كل اللي يجيب الملام
يــا مـصـلح الـشـأن يـاللي رافـع ٍ لـلشداد
ⒿⒶⒷⒺⓇ✫
التميز
الإهداءات
حسبي على كعبك اللي طق وجه الرخام
رد: حسبي على كعبك اللي طق وجه الرخام
