السلام عليكم ورحمة الله وبركاته
الأبيات بدون مقدمات
البارحة سجيت بالليل سجات=على جواد الشعر والبال رايق
يركض وأنا في صهوته بالجزيلات=ما يعوقنا عن قمة المجد عايق
سقته على ذيك الديار البعيدات=نبا نجيب أخبارها والحقايق
يا قاف شد الحيل ياقاف لا تبات=معك من الشاعر جميع الوثايق
زور الديار اللي جنوب القريات=لأجل الهدف اسلك جميع الطرايق
سلم على حي الكرم والمروات=علم وهات علوم في كل لايق
عطني خبر عن مشغل البال بالذات=وإحذر يجيهم من طرفكم زهايق
قله تراني من طرف راع الأبيات=اللي كتبها فوق روس الشهايق
ينشد عن الأحوال بعد التحيات=ويقول علك فوقنا منت ضايق
إسمع ردودا العلم في صمت وسكات=ركز معه خلك ذهين(ن)وفايق
إرجع همام الليل يا هاجسي هات=هات الخبر يقين مابه بوايق
عله يزيح بداخل القلب ضيقات=ثقلت جروح القلب ماهو بطايق
وإن كان ما رد الخبر بالسلامات=إطبق على باق السوالف طبايق
من شأن لا يفرح بها كل شمات=تصبح مطية كل من قال سايق
السالفه سجيت بالليل سجات=في ساعة جوي على الشعر رايق
التميز
الإهداءات
علك فوقنا منت ضايق !!!
رد: علك فوقنا منت ضايق !!!
