اقطعوا للاتصال !!!

أسعد الله أوقاتكم

كلنا نعاني من نغمة عزيزي المتصل الرقم المطلوب لا يمكن الاتصال به

بسبب الشبكة المذبذة وغير المستقرة في كل المناطق

سواء بالجوال او بالنت

اليكم الأبيات

ياعزيزٍ(ن)متصل=اتصالك ما وصل
بدون مشروه وزعل=حاول تعيد اتصال
يالعزيز المشترك=اتصالك دمرك
اس تي سي بتقهرك=حاول تعيد اتصال
الرقم ماهو متاح=يمكن الجوال طاح
او تقفل واستراح=حاول تعيد اتصال
ما تجيه التغطيه=من سنينٍ(ن)مبطيه
والصيانة مخطيه=حاول تعيد اتصال
الخلل في برجهم=والخطأ في نهجهم
كيف بس تحجهم؟=حاول تعيد اتصال
الهدف منك اشتراك=اس تي سي كنه شراك
وارم بالخدمة وراك=حاول تعيد اتصال
قلت:بكره بشتكي=واتركوا كثر الحكي
قالوا:اركد ياذكي=حاول تعيد اتصال
البشر ياما شكوا=ما احد يسمع لو بكوا
دام بالدرب سلكوا=حاول تعيد اتصال
ينهبون بلا حساب=ويذنبون بلا عقاب
حقنا راح اغتصاب=حاول تعيد اتصال
قلت:ياعالم ياهوه=المنادي اسمعوه
قالوا:أنته ماأنت أبوه=حاول تعيد اتصال
قلت:بلغي رقمكم=يقلع الله أمكم
دامكم ما همكم=اقطعوا للاتصال

صح السااانك يابن هليل ويعطيك العااافيه

احترااااااامي

صح لسانك


قصيدة معبرة عن واقع الاتصالات ومعاناة الكل منها

اي والله صدقت


ليتهم يلغون الاتصالات المتخلفة


وصح لسانك

صح لسااااانك احسنت فيما دونت

صح لسانك مليون ولا يسدون


ابدعت لا هنت

صح اسانك قصيدة تعانق الواقع المر للاتصالات الله يكون بالعون

صح لسانك يا شيخنا وشاعرنا اي والله صدقت هدفهم امتصاص ما في جيوب الناس

اما الخدمة فمجرد دعايات اعلامية ولا ترقى الى ادنى مستويات العالم

صدقت والله


صح لسااااااااااااااانك

رائعة ومعبرة


صح لسااااااااااااانك للرضا