أسعدكم الله بكل زمان ومكان
البال ماهو رائق والشعر من ضيقته ضائق
لكن عاد أهديكم هالأبيات علها تروق لكم
تراقصي في داخلي يامشـاعر=أجمل هدايا العمر حب وقصيـده
أزفها للي شبيه السكاكر=الفاتنة بنت الأصول المجيـده
الحرف فعله بالجسد فعل سـاحر=يملك قلوب أهل العقول الرشـيده
يا ريحة العنبر وعود المباخر=شذاك ما رده مسافة بعيـده
ممنون يا بنت الأجاويد شـاكر=تفداك روحٍ(ن)بالهدايا سـعيده
هذا جوابٍ(ن)ناظمه فكر شـاعر=كتبه قلبي والحبر من وريـده
يرسل لك الأشواق بجناح طاير=مخصوص لك يارائعة يافريـده
الشوق جا لك في جناحه مسافر=أشواق حرٍ(ن)والأماني طريده
يصدح قصيدي في جميع المنابر=باسم الهنوف اللي هواها يريده
غدا هواها للقصائد مسامر=كل ليل يِلْهم للقوافي جديده
يصبح عليَّ الصبح ما نمت ساهر=أيام وشهور وسنينٍ(ن)عديده
أنشفت للأقلام فوق الدفاتر=من كثر ما أكتب لاسم خلي وأعيده
جندت له من نبض قلبي عساكر=تحرسه من عاذل وعين وحسيده
وسنيت له من شرع فكري دساتر=ما أبوح بأسرار الغرام السديده
حتى يعيد الله من بالمقابر=مهما تكون ظروف صلفة شديده
العهد والميثاق من طبع جابر=ما يخلفه لو كان حبه يبيده
تفداك روحي والشعر والمشاعر=مني هدايا العمر حب وقصيده
التميز
الإهداءات
حب وقصيدة !!!!
رد: حب وقصيدة !!!!
