البـارحـة عيني تجـافت عن النــومْ=فكـرة نودعهـا وفكـرة تجينـا
ساهـر طـوال الليـل اقلـّب البـومْ=مدري لمـن بالعرب تشبهيـنَا
يا هل ترى شمس حجز نورها غيومْ= وإلا بـدر وضّــاح نـور الجبـينَا
وبين الشبه والفكـر سجـات وعلــومْ= شيء(ن)يبن وشــي عيا يبــينَا
وبعد السهر قلت الخبر بعد كم يومْ=بعـد السفر لازم تسيّر علينـا
وليـا تعـارفنــا عسـى ودنـا يـــدوم=أنا لمسـت الطيب فيها مبينا
وما هـو كُتب بين المخاليـق مقسـوم= مـا نصنعـه حنـا ولا مانعينـا
لكن من هو طيب أصله وأبن قــوم=لهـم بكل الوقت قسوة ولينـا
لا بــد إلــه حــظ وفيــر ومفهــوم=من كل شي وشي فيها وفينا
ويا صاحبي دعيتني جئت معزوم=ما جئتـكِ قـدام لا تعـزمينـا
وأنا على كيفك ترا الضيف محشوم=عن كل زلـة واسأل العـارفيـنَا
ودي نتعارف والزمن فرْح وهمـوم=هيا نكيد خصومنا الحاسدينا
عـرب لكن طباعهـم تشبـه الـروم=أصدق صدوق تعرفينه لعينا
ظالم ويحلف والنبي كنت مظلـوم=لا تصدقه لو قال من التائبينا
مثل الذباب اللي على زادنا يحوم=وليا شبع عود يهاجم يدينـا
نصبر عليه شوي ويموت مسمـوم=ماهو بلاقي بيننا من يعينا
جنـا على نفسه من الخيـر محروم=وإلا يبينـا نقـول له سامحينا
ما يـدري إنـه للسلاطيـن محكـوم=صار بنظرهم أسفل السافلينا
التميز
الإهداءات
عيني تجـافت عن النــومْ؟؟؟
رد: عيني تجـافت عن النــومْ؟؟؟
