طابت اوقاتكم
الـلـي هـواها بـالحشا مـطبوع
تـجـي بـخـلسة كـنـها مـفزوع
مـاكـنـهـا إلا مـهـربـة مـمـنـوع
مدري وش اللي غير الأحوال
مـجيها مـن راس حول لحول
البعد من دون الوصال يحول
لاحـول من هذا الفعل لاحول
مدري وش اللي غير الأحوال
الـعام كـانت فـي عشر عاشور
حـول الـحرم والـنور زاده نور
ومـرت سـنة مـاعاد يوم تزور
مدري وش اللي غير الأحوال
وأنا أعتقد ماهو جفا وصدود
لـكن ظـروف الوقت للمحدود
وزادت كـورونـا لـلقيود قـيود
مدري وش اللي غير الأحوال
أيـامـنا لـبست ثـياب الـخوف
وارواحـنا فيها كسر وحسوف
متى متى نور الصباح نشوف
مدري وش اللي غير الأحوال
نـرجـع صـحاح وحـالنا زاهـي
والخير في كل الجزيرة راهي
واجــي لـهـا وإلا تـجيني هـي
نـدري وش اللي زين الأحوال
الـلـي هـواها بـالحشا مـطبوع
تــجـي عـلـن مـاكـنها مـفـزوع
مـاكـنـهـا إلا مـانـعـة مـمـنـوع
الـوضـع زان وزانـت الأحـوال
ⒿⒶⒷⒺⓇ
التميز
الإهداءات
ارواحـنا فيها كسر وحسوف !!!
رد: ارواحـنا فيها كسر وحسوف !!!
