طابت أوقاتكم
يـاعـذب الـلـما لا تـكثر الـصد واهـلك
كـفـاية تـرى مـليت مـن كـثر الأعـذار
لـيا كـان وقـتك لـلوصل مـاسمح لـك
أبـي مـنك حـاجة كـان بـتغيب تذكار
تجمل وعطني صورتك وأخذ ماأملك
قـبل لا يـدور الـوقت وتـروح الأعمار
أبـيـهـا تـنـسي خـافـقي نــاس قـبـلك
يـابسمة زمـان ٍ(ن)صـار قدام ما صار
انــا ويــن بـلـقى كـان روحـت مـثلك
يـانبض الـحياة وحلو مكنون الأسرار
يـالـيت الأهــل أهـلي قـريبين لأهـلك
عـلـى شــأن تـجـمعنا قـرابـات وديـار
لـكـن الـبـخت عـيا مـع الـحلم يـسلك
غـلبني زمـاني مـا بـقي غـير الأشـعار
لـيا مـرني طـيفك قـصيدي وقـف لك
يـحييك يـاطيف ً(ن)مـع الـليل مـرار
يـاليتك يـاطيف الـزين تـسري بمهلك
لـكـنـك تــمـر وتـرمـي الـزيـت بـالـنار
تـذكـر لـقـلبي حــال فـي لـيل مـحلك
لـيامن ذكـرته نـوم فـي محجري طار
أساهر لحلم ٍ(ن)مرسله ما إنرسل لك
تـصارع قـصيدي بـالسهر جن الأفكار
يـاعـذب الـلـما لا تـكثر الـصد واهـلك
كـفـاية تـرى مـليت مـن كـثر الأعـذار
ⒿⒶⒷⒺⓇ✫
التميز
الإهداءات
جن الأفكار
رد: جن الأفكار
