السلام عليكم ورحمة الله وبركاته
حاولت ان اكتب قصيدة من نوع اخر لكن تبقى مشكلتي تنسيق القصيدة
ولولا تكرم الادارة بتسيق بعض قصايدي-مشكورين-لبقيت قصائدي من دون تنسيق
احيا بعزة تفس تأبى المهانه=وارقى بنفسي عن جدال المهابيل
فما كل من القى يسي لي مكانه=خلك من اشباه الدمى والتماثيل
اركب حصان الوقت واطلق عنانه=وابقى منار العلم بين القناديل
بالعلم اصنع لي لنفسي حصانة=وارفع مقامي بين كل الرجاجيل
ما عاب بي شخص(ن) يطول لسانه=ولا نقص في حقي القال والقيل
دامي على المعروف اطوي زمانه=واكتال بالمعروف للناس واكيل
اورد على حوض المنايا رصانه=واموت عالجودة مخير ولا ميل
واحيا انا والجود كف و بنانه=وحيث ما حليت للجود تمثيل
ويموت من حاول معانا الخيانه=ومن خان فينا ينتظر شر تنكيل
وطفلنا قرم(ن)وهو بالحضانة=ولا انتشى يأتي عظيم الافاعيل
فينا الشجاعة والوفا والميانه=ووقت الشدائد ما نهاب العراقيل
ماهو قصور بحق غيري امانه=ولا اقول بحق غيري اباطيل
كل العرب تهوى الوفا والرزانه=ويمقتون الشخص لي طبعه ابخيل
وضيفنا يشكي السمن والبدانه=من جودنا ما يعرفوا كلمة اقليل
علاقة الخوة معانا بحبل ومتانه=من كان فينا نال عروة وتبجيل
باسم العرب قوله ومنه امتنانه=ممتن لاهل الجود من عهد قابيل
حنا العرب واحنا رجال الاعانه=الويل لاعدانا لهم الف يا ويل
التميز
الإهداءات
احيا بعزة نفس تابى المهانة
