السلام عليكم ورحمة الله وبركاته
أبيات هذا المساء
ليا صار علم الرجل بيدين حرمه=اقرأ عليه الفاتحة والتحيات
يقعد بحلقك طول الأيام زرمة=لو كان حي يعد بحساب الأموات
والسم يذبح منه لو كان جغمه=والا الدوا يطول في كل الأوقات
واللي حداه الوقت يفرح بلقمه=الجوع كافر ومن شبع صار شمات
بعض البشر دايم يحب المذمه=كثير هرج ويعجبه ود ثم هات
اليا سمع في علم قوام خمه=يحب السواليف كيف ما راحت وجات
وبعض البشر مثل البحر غزر جمه=من طب به ما عاد يسمع للأصوات
اللي يعرفه بالحنايا يضمه=سده بعيد وقافل الباب بسكات
ما يشيع سره عند خاله و عمه=ما هو بعشاق الحكي والحكايات
مشغول في نفسه وحاله وهمه=قانع وطايع ما ندم فوق ما فات
كل الذي يرجيه ستر(ن)ورحمه=من خالقه في يوم مابه مظلات
يوم البشر تصتك بشد زحمه=ماهو بيوم أعوام لكن هيهات
التميز
الإهداءات
ليا صار علم الرجل بيدين حرمه !!!
رد: ليا صار علم الرجل بيدين حرمه !!!
