الأبيات
ما تزين القصايد غير لا من ذكرتك=يا جميل المعاني في جزيل القصايد
كل ما قلت كلمة بالمعاني شعرتك=واختصرت المشاعر في قليل الفوايد
المسافة طويل بس جئت ونطرتك=عند باب التلاقي جامعٍ(ن)لك فرايد
جامعٍ(ن)لك احاسيس الغرام وحفرتك=في جبين القوافي والقصيد الشرايد
يا غرام الليالي في عروقي نشرتك=قصة العشق تقراها عيون الوسايد
أنت ملهم قصيدي بالقوافي نثرتك=زهر ورد وخرامى بالرخا والشدايد
ما يكفيك مهما يا حبيبي شكرتك=قدرك أكبر بقلبي من جميع العوايد
في حلوم الليالي للمشاعر حصرتك=تسقي الحلم من شهد الغرام وتعايد
فوق وجه الزمان اللي نعيشه سطرتك=لوحةٍ(ن)من خيال ولوحةٍ(ن)من عدايد
إشتهرت بغرامك بس أنا ما شهرتك=حافظك في خفوقي عن جميع المكايد
عن عيون الخلايق في خفوقي قبرتك=أتصفحك فيني و القصايد جرايد
في ثنايا قصيدي رمز عشقي نقرتك=بين كلمة ومعنى من قديم وجدايد
ما تزين القصايد غير لا من ذكرتك=يا جميل المعاني في جزيل القصايد
التميز
الإهداءات
جميل المعاني في جزيل القصايد !!!
رد: جميل المعاني في جزيل القصايد !!!
