دنياك ماتسوى حليب الحماره!!

مسأكم شعر يالغالين...

مادامت الدنيا للشيخان وملوك=ولو أضحكت تاره تبكّيك تاره
وأخير منها لا غدا الصدر مضكوك=صوت الأذان اليا أرتفع فالمناره
والله لو تملك عمارات وبنوك=وأخوك فالدوله وزير التجاره
واللّي على حول الحرم ملك لأبوك=وفي كل شارع لك ثنعشر عماره
ماتنفعك لأقفوا هلك ثم خلّوك=نهاية الرحله تراب وحجاره
وأمّا بكوك الربع وألاّ تباكوك=وألاّ بورثك ولّع الهوش ناره
ولو تربط الأعمار بحبال وسلوك=مامات قارون ولا راحت دياره
وماقل دل وكثرة الهرج متروك=وأخذ النصيحه في صحيح العباره
لا تأمن الدنيا ولا تأمن البوك=من يأمن الداب الذي وسط غاره؟؟
ولو كبرت الدنيا بعينك وانا أخوك=عند الوفاه تصير كبر الشراره
دنيًا بحر وأنته مسافر بسنبوك=والحظ هبوبً تخلفه عن مساره
دنيًا سواة الورد وألعن من الشوك=و وقتً يموج ولا عرفنا قراره
ياكم أميرًا صار فالوقت صعلوك=وياكم صعلوكً عطوه الأماره
وياصاحبي لن كان تبغى السعد دوك=والحرّ مايحتاج له غير أشاره
فل الحجاج وبدّل الحزن بضحوك=دنياك ماتسوى حليب الحماره
اليا أقبلت ياطيّب الفال مبروك=واليا أدبرت ياعنك ماهي خساره

محبكم
عيضه الثبيتي
13/1/1432هـ

ماتنفعك لأقفوا هلـك ثـم خلّـوك
نهايـة الرحلـه تـراب وحجـاره
وأمّا بكـوك الربـع وألاّ تباكـوك
وألاّ بورثك ولّـع الهـوش نـاره
ولو تربط الأعمار بحبال وسلـوك
مامات قارون ولا راحـت ديـاره





سلاسه عذوبه روعه

دقة تصوير أفكار صياغه


فيها من الحكمة الشيء الكثير


لا حرمنا فيض ابداعك


صح لسانك لاهنت
















تحيتى لكـ

الله الله



انا اشهد انها قصيدة تسوى دواوين


صح لسانك الى ما لا نهاية

الله على الابداع


صح لسانك يا ابا فيصل


والله انك لو ماقلت بدنياك غير هذه القصيدة لخلدك التاريخ


ابدعت لا هنت وبيض الله وجهك على هذه الجزالة والابداع مبنى ومعنى


لك خالص تحيتي

ابداع في ابداع وصور شعريه شفافه ترادفت مواعضها في نسق يروق للنفس-صح السانك حفظك الله ورعاك

الله الله



قصيدة تسوى دواوين



صح لسانك

صح لسانك وبيض الله وجهك



جزلة من جزل

صح لساااااااااااااااااااانك ياابوفيصل

حكمه

ياكم أميرًا صار فالوقـت صعلـوك وياكـم صعلـوكً عطـوه الأمـاره

الله يكفيناااا شررررررررر الدنيا

صح لسانك





ابداع لا هنت

بيض الله وجهك يابو فيصل

وصح لسانك نقش ذهبي

مميز وراقي

تقبل تحيتي وتقديري