الفقير يعيش ماغير ظلّه يتبعه!!

سلام عليكم

من جديد هواجيس تالي الليل..

سجلّي ياذاكره وأطبعي يامطبعه=بوح صدراً تالي الليل الأجواء شاقته
والسهر عشقي ولو أن مابه منفعه=والحقيقه للسهر سرّ مع عشاقته
كم عينً ترقد من أربعه لين أربعه=وكم عينً ذاقت من السهر ماذاقته
والزمن يا ما أحتداني على غير اْسنعه=وأحتديته بالصبر وأحتدتني فاقته
والهبوب اللّي لها فالشبابيك اْقرعه=أيبست خضر الورق والغبار أحتاقته
والله اللّي يعطي الرزق وألاّ يمنعه=وكل رجالً بجهده يسوّي طاقته
وطلعت الأصحاب فالضيق ماهي فالسعه=وأكثر الأصحاب مطراقته مطراقته
صاحبً بالهرج دايم يلعلع لعلعه=وفاللزوم يصك بابه ويقفل طاقته
وصاحبً وقت الشدايد يسرّك مطلعه=فوق صلفات المواقيف نفسه ساقته
لو رأس المال ناقه وديسً يرضعه=لو نصيته تشتكي له نحرلك ناقته
وقيمة الرجال باللّي من الدنيا معه=هكذا الأيام ياكم رجلاً عاقته
الفقير يعيش ماغير ظلّه يتبعه=والغني بالعكس كل العرب في ساقته

عيضه الثبيتي

25/12/1432هــ

صح لسانك




قصيدة جزلة من شاعر جزل



فالك التوفيق

صح لسانك




رائع لا هنت


وفقك الله

الله عليك



ابداع ما عليه غبار



قصيدة معبرة صح لسانك للرضا

صح لسانك مليون ولا يكفون




قصيدة جزلة من شاعر جزل

صح لسانك



جزلة من جزل وفقك الله


لك التحية

الله الله



صح لسانك وبيض الله وجهك


وفيت وكفيت لا هنت

أي والله في ساقته .. سلمت يداك ولا هنت

صح لسانك مدد ماهو عدد




ابدعت لا هنت


تقبل مروري

صح لسانك واعتلا شانك



قصيدة جزلة ومعبرة