تشوقت للي كلها يبهج الخاطر !!!

أسعدكم الله


الأبيات بدون مقدمات


علها تروق لكم

تشوقت للي صوتها يبهج الخاطر=ولو شفتها عيدت قدام يوم العيد
تشوقت للي ضحكها للحشا ساحر=تشوقت للي غيرها بالنسا ما اريد
تشوقت للي شكلها يغري الشاعر=يغني لحون الشعر من شأنها ويعيد
تشوقت للي زينها بالبشر نادر=من اقدامها لين الشعر والنجل والجيد
تشوقت للي حبها كنه الساعر=هواها وقايد بالحشا والهنوف بعيد
بلانا هوانا والله بحالنا خابر=كتب فوقنا ماهو كتب والظروف تكيد
ألا يا عذاب الروح من حظنا العاثر=يجازي لهم بغم فارض علينا قيد
نداري وندرا لوعة الحب ونكابر=نبا الفيد لكن حظنا ما طراه الفيد
كوانا على كي الهوى فعله الغادر=ليا من حلمنا باللقا حط له تمديد
ذبح للحلوم وضيع الأمس والباكر=متاهات عمرٍ(ن)ما عرفنا لها تحديد
نصبر قلوب العشق يارب ياساتر=تحقق لأمانينا قبل بالحياة تبيد
سنينٍ(ن)طويله نبذل الجهد ونثابر=نبي ليلةٍ(ن)وحده يعيش الغرام سعيد
طلبتك تلم الشمل يارب ياقادر=تعجل تلاقينا قبل ل الجروح تزيد
تشوقت للي كلها يبهج الخاطر=ولو شفتها عيدت قدام يوم العيد

الله الله


صح لسانك واعتلا شانك


ابداع غير مستغرب

الله الله


صح لسانك مبدع بكل قصائدك


تقبل التحية

صح لسانك واعتلا شانك ابدعت لا هنت


تقبل الاعجاب والتحية

تسلم الايادي رائع ربي يسعطيك الف عافية

مبدع دائما صح لسانك للرضا



تقبل التحايااااااااااااااااااااا

صح لساااااااانك


ابدعت لا هنت

صح لسانك يا شاعر القوافل قصيدة ممتازة

صح لسانك ابدعت لا هنت



تقبل الاعجاب

لله درك وصح لسانك شاعر متألق


قصيدة رائعة


تقبل التحية