سكر زيادة !!!

أسعدكم الله

الأبيات بدون مقدمات

الليله الشعر قافه ملتهب والفكر زاده=
هبت عليه السموم من الحشا والحر طاغي=
تهيض الهاجس اللي ما غواني وش مراده=
حرك لقاف القصيد ولا تهيض من فراغي=
ما هيضه غير لباس الجواهر والقلاده=
الجادل اللي بعدها ما تحلت بالصباغي=
جتني تسوق الهوى والغنج للتلعات عاده=
هزت لعرش الفؤاد بعينها قبل التلاغي=
فيها الحلا مكتمل ياحلوها سكر زياده=
والريح جوري مصفا ما تعفر بالمراغي=
قلت استري ما بدا من زين والحشمة عباده=
وإن كان ما عندك اللي يستره اخذي شماغي=
قالت وش اللي ظهر وجهي وكف ورمش زاده=
يقتات بقلوب عشاق الهوى لن كنت باغي=
الوجه ماهو محرم نكشفه والكحل ساده=
والعنق والكف غطته الجواهر والمصاغي=
قلت ارحميني وروحي واتركيني للركاده=
والا ترى بطلب الهية واسوي لك بلاغي=
انا تركت الهوى درب الهوى كله نكاده=
قفلت باب الهوى واعلنت للعشاق لاغي=
قالت ما عندي خبر لا عدت ياحظ القراده=
خدعتني بالقصيد وجئت لك والشوق باغي=
القيت شعرك وقافه ملتهب والشوق زاده=
هبت عليه السموم من الحشا والحر طاغي=

الله الله

صح لسانك للرضا

ابداع لا يستغرب

صح لسانك يا رائع قصائدك كلها سكر زيادة

صح لسانك دائما مميز


تقبل التحية

روعاتك يا شاعر الابداع والاحساس العذب

صح لسانك ياراقي قصيدة كايفة

تألق صح لسااااااااااااااااااااانك

صح لسانك وسلم بنانك


ابدعت لا هنت


تقبل التحية والاعجاب

روعة صح نبضك شاعرنا الرائع ربي يسعدك

صح لسانك يا مبدع القوافي شامخة بشموخ شاعريتك