أسعدكم الله
الأبيات بدون مقدمات
يامشعل النار بين القلب وضلوعي=عجزت مطافي عيوني لا تطفيها
ما كني الا سكبت الزيت بدموعي=على حرايق فؤادي واقعٍ(ن)فيها
صرخت من حرقةٍ(ن)بالقلب وجزوعي=تنهش عروق الهوى تبغا تصفيها
لكن صوتي غدى ماهو بمسوعي=تجاوز سموع كان الصوت يدفيها
صار الزمن ساعته تقاس باسبوعي=دنيا تقلب تحيرني خوافيها
الصاحب اللي حسبته داني ربوعي=قفل منافد بحوره مع مرافيها
فرض حصارٍ(ن)عليّه غير مشروعي=قصده يجوع حلومي ما يشافيها
ليت الهوى كان جوع ارحم لي الجوعي=من جمرة الشوق بصدودك تهفيها
ما كني إلا متجرع سم منقوعي=يحرق عروق الغرام اللي تعرفيها
ياعز حالي وياويلي ويا لوعي=وقائد الحب قلبي ما يكفيها
قامت تنوش لدم ومخ مزروعي=جوف العظام النحيلة يامكافيها
اخاف لا تحرق لعقلي مع طبوعي=واقدام رجلي مع السجات تحفيها
دام الوصل والتواصل شبه مقطوعي=أحلام عمري تبا تبطي عوافيها
القلب مصدوع والتفكير مصدوعي=لا صارت عهودنا يصعب نوفيها
الوقت والحظ تهدم جسر مشروعي=والنفس سهم المنايا حتم قافيها
لا من تذكرتها ضيعت لسنوعي=يا رب يارب غاليتي تعافيها
يا منية الروح مدري مصدر فزوعي=سلاسل العشق فوق الجرح لفيها
سوي لما هو تبي والشك مرفوعي=أحبابنا مستحيل انَّا نجافيها
شبي لنار الهوى في داخل ضلوعي=تعجز مطافي عيوني ما تطفيها
التميز
الإهداءات
ليت الهوى كان جوع ارحم لي !!!
رد: ليت الهوى كان جوع ارحم لي !!!
