دخلت لصالة الإقلاع وليا نه مقابلني=معه كاسة عصير من الفواكه شي مختلطه
سرقته بالنظر وأثره بعد مثلي يسارقني=بعد شفت الملامح فاتنة هقيت بالورطة
أخذ تاشيرة الإقلاع قصده بس يقهرني=وأنا قعد لي الضابط يدور بالملف غلطه
ترجيته وقلت الزين روح لا توخرني=تراني سبحة لا شفت مثله حيل منفرطه
دعانا أمر الرحلات للأبواب وجهني=وقمنا نستبق كنا مخالف تطرده شرطه
دخلت الطائرة والفكر كنه يلحسه جني=أدور بالمقاعد وين قاعد والبخت حطه
وصلت لمقعدي ما فيه لا منه ولا مني=وفجأة جاتني ريم الفلا بالحال منقطه
على حد الممر بالكرسي الأيمن قعد عني=بعد لف العباة وحطها في داخل الشنطة
ومسيته ومساني وقال:أهلين خبرني=سعودي قلت:له نعم لكني معكي الأسطه
تعارفنا وسولفنا يبعدني يقربني=بديت أملي عليه ابيات شعر ويكتب بخطه
بدا يسأل عن المقصود والأوزان والفني=وقالت لي:أحب الشعر كله وأكره القلطه
لكني ودي بشاعر يحللني ويرسمني=على لوحة قصيدة يوم أناظرها تقل بطة
فقلت:أبشر تدلل والشعر لأجلك يطاوعني=أنا بسرمك كلك من كراعينك ليا الربطه
لكن الي طلب وأخاف لا قلته تفشلني=أنا عليك صرت أغار وجهك يا حلو غطه
تراني صرت مغرم فيك حبك حيل محرقني=فقالت لا تعل الصوت صوتك يا رجل وطه
أنا بعد تراني معجبة !وأكيد تفهمني=وذا الحينه بعد هذا القصائد جيت منخرطه
أنا أحب الرجولة فيك وأنته لا تجاملني=وش اللي معجبك فيني فقلت:الذوق ياشطه
على كذا بجننك وعلى كذا بتجنني=ترى عشقي عشق مجنون لا حس الخطر نطه
تواصلنا وتفاصلنا يواعدني ويخلفني=ولا زال الهوى ما بيننا بظروف مختبطه
التميز
الإهداءات
لف العباة وحطها في داخل الشنطة؟؟؟
رد: لف العباة وحطها في داخل الشنطة؟؟؟
