أسعد الله أوقاتكم
الأبيات
....
حالمٍ(ن)لي بحلمٍ(ن)حيل مزعجني=كل ما جا ببالي قلت يالله خير
من سنة كل ليل الحلم يدهجني=يضرب الصدر بجناحه سواة الطير
واضح إنه من الدار بيهججني=ما يبيني على وجه التراب اسير
خفت لعرضه لمفسر ويحرجني=قابعٍ(ن)جوف صدري سر جوف البير
كل ليلة على كيفه يمسجني=لين كسر حلومي بالسهر تكسير
وأثر تفسير حلمي ما يبهجني=اعتذارك لحلمي ياغلا تفسير
كيف ترضى لغيرك بس تحوجني=وانت تدري محال البعد عنك يصير
أنتظر جيتك ليلة تتوجني=واعتذر كان جا من يمنا تقصير
اسعد بشوفتك وأنته تهرجني=يطرب السمع صوتك والمكان ينير
أسبح بعالمك وأنسى مسهجني=وأفتكر بس ذاتك ماش غيرك غير
من بهار الحلا والغنج حوجني=دلة الشوق ما تصلح بلا تبهير
كل مافيك من حسن بيهيجني=وكل ما فيك من رقة كما التخدير
نبض قلبي على كلك يفرجني=ونبض قلبك على نبضي زعيم أمير
يا زعيم الغرام اللي مموجني=عجل دواك مالك عذر بالتأخير
وصل صبري لحده تو عالجني=قبل ينشل نبض الشوق والتفكير
في عروق المشاعر تو روجني=النجاحات بالدنيا من التدبيـر
صبني بالعروق ولا تخرجني=لين تروى وتعلن ثورة التحرير
فوق حلمٍ(ن)حلمته كان مزعجني=كل ما جا ببالي قلت يالله خير
التميز
الإهداءات
زعيم الغرام !!!
رد: زعيم الغرام !!!
