المودين قلوا والعطايا زهيده !!!

أسعد الله أوقاتكم

الأبيات

...

يا هلي زهبوا لي مزودي فيه زادي=عازمٍ(ن)للسفر لديار عنكم بعيده
شنطتي كملوها بالثياب الجدادي=لا تحطون فيها غير لبسة جديده
أربع بدال وأربع من ثياب البلادي=والغتر والعقال وبشت دقة فريده
بتمشى وأوسع خاطري والمرادي=أكسب لعلم وأنشر للعلوم المفيده
السفر من يبا به فايدات إستفادي=يغسل النفس وتصير العزايم شديده
وأدري إنه غيابي لن حصل شيء عادي=ما يبا يفقد الشاعر يكود القصيده
غير شعري فلاني خابرٍ(ن)لي ودادي=المودين قلوا والعطايا زهيده
شح منهو قديم الوقت بالجود جادي=ما بقى غير ذكرى لليال السعيده
ذكرياتٍ(ن)قديمة باقية في فؤادي=ما تغير ولو وقتي نوى لي مكيـده
تسقي القلب بحلوم الهنا في رقادي=وإن بغيت القصيد يزين لحن النشيده
لن تذكرت بعض وصوف غاية مرادي=هاض بالي بطاروقٍ(ن)يمجد مجيده
حبها ما يرده عن خفوقي بعادي=عشقها راسخٍ(ن)بالقلب مثل العقيده
طيفها كل ما حليت دارٍ(ن)ينادي=بالصحو والمنام الطيف قاري جريده
ما يفارق خيالي بالمشي والقعادي=كل ما اسهو ثواني زج في اتغريده
مثل ما قالت الأمثال محكم قيادي=من سنينٍ(ن)قديمة والوثايق جويده
ما يعرف التسامح بالهوى والحيادي=كل رمية من ايدينه بقلبي سديده
لين حطم شموخي والكبر والعنادي=صرت مطواع والمطواع صارت عنيده
يا هلي زهبوا لي مزودي فيه زادي= عازمٍ(ن)للسفر لديار عنكم بعيده

صح لسانك


على وين العزم إن شاء الله

نبي نخاويك

صح لسانك واعتلا شانك


مبدع كما عهدناك


تقبل التحية

صح لسانك قصيدة رائعة


تقبل التحاياااااا

صح لسانك ابدعت وامتعت لله درك


تقبل التحية

رائعة ربي يسعدك وصح لسانك واحساسك

صح لساااااااااتك شاعر الابداع

دام ابداعك وتألق وصح لسانك ونبض قصيدك

صح لسانك مليون ولا يكفون شاعرنا المتألق

صح لسانك رائعة من روائعك


خالص الاحترام