كانت تسابق رنة الجوال !!!

أسعدكم الله

أدري أني زودتها مثل ما يقولون

وربما او أكيد كثير معاد مكررة أفكاره ولكن لكي يبقى المنتدى نشط لمحركات البحث

لا بد من طرح مواضيع جديدة .... عاد المعذرة من الجميع وليس بالضرورة الرد

ومن رد فله الشكر سلفا ...اليكم الأبيات

كانت تسابق رنة الجوال=واليوم تاركته على موجود
ما عاد أنا اللي مشغلٍ(ن)للبال=موجود لكن عندها مفقود
ما صار ياتي منها مرسال=الوصل قطعه كل يوم يزود
الصد قادم للوفا يغتال=والوصل دربه بالعذر مسدود
تحتج بظروف الزمن وعيال=العذر سهل ولا عليه قيود
ما تدري إن الصد للرجال=يترك بكبده بالزمان لهود
الوقت يجمع لن قصر وإن طال=كل ما حصل ياسيدة مرصود
قلبي كتابٍ(ن)يحفظ الأقوال=والفعل بين والعيون شهود
الحكي ما يغني عن الأفعال=النفس تدرك شنهو المقصود
سبحان منهو غير الأحوال=بيض الليالي مقبلات بسود
الجو مظلم مدلهم بخيال=سحاب ماله بارقٍ(ن)ورعود
يا ما تبعته روحه ومقبال=بذلت لأجله كامل المجهود
لكن حسافة صعب ما ينطال=البُعد كايد والبخت مقرود
أتعب لخيلي وأتعب الخيال=وضع لنا فوق القيود حدود
حمل الزمن ثقيل ما ينشال=سيف الهجر ما بيننا مجرود
مرت سنين ومقبلات ليال=تركض وحنا بالهموم قعود
نحجب لعين الشمس بالغربال=واللي مضى من عمرنا ما يعود
شبنا وكنا من سنين أطفال=والوصل شاخ وصار حبله عود
أحلامنا لو هي كبار جبال=مثل السراب الخادع المطرود
ينشاف لكن نلزمه محال=يا نكبة الصايد من المصيود
الحمل يكسر للظهر لن مال=والعلم يكشف لبسه المردود
كانت تسابق رنة الجوال=واليوم تاركته على موجود

صح لسانك واعتلا شانك


قصيدة رائعة لا هنت

صح لسانك مدد ماهو عدد ابدعت لا هنت



خالص التحية

تسلم الايادي وصح لسانك خالص الود

صح اسانك مليون ولا يكفون



ابداع غير مستغرب

تسلم الايادي وصح لسانك استاذ الشعر

صح لسانك لللرضا ابدعت وامتعت

صح لسانك مبدع ولا شك قصيدة معبرة

انت نبع من الابداع




بوح عذب بعطر الحب



دمت بخير

صح لسانك واعتلا شانك ابدعت وامتعت



تقبل التحية