طالت أوقاتكم
قلت:وينك من سنين أحلم بشوفك يا جميله=السهر مدمى عيوني والصبر مل وتفرق
قالت:الليلة بجيك وقلت ليلة بألف ليله=من سنين أحلم بها والحلم دوبه بيتحقـق
حلم وإلا علم هذا يا شبيه المستحيله=قالت:اركد لا تعجل وشبك أنته ما تصدق
المهم تزهب الضيفه وتنظم فيً شيله=نقهر الحساد والعذال والناس المطـفق
قلت:حاضر وأبشري باللي تبينه يا خليله=لو طلبتي نور عيني تأخذينه قبل م أنطق
اتمنى منك مدة للكرم لو هي قليلة=الهدايا تبري كبودٍ(ن)من اللوعة محرق
مدتك مهما تكون بناظري مدة جزيلة=في نظر مغليك تسوى للمنامة والمحرق
السنين اللي مضت ياغايتي كانت طويله=أتمنى والأماني وحدها كيف بتروق؟
المشاعر تنهش ضلوعي وغلتني غليلة=اشعر إن الصدر ضاق وفوق معلوقي تطبق
ما يداوي للجروح اللي بقلبي يا الأصيله=غير مداتك وبلسم منك ومواصل محقق
ذي علاجي كان ودك بالثواب وبالفضيله=عجلي بدواي توك يا عسى ربي يوفق
تكسبين الأجر فيني وأمدحك ماهي بخيله=عالجتني من مواجيعي غلا روحي ترفق
بعد كاد الوقت ينهيني فدتني بالكحيله=شلت حبال العطايا قالت:بحبي توثق
انتشيت من الفرح ياحظ روحي بالعديله=الغريق ليا لقى قشة بها القشة تعلق
أنتظر متى يحل الليل وأفرح بالحليه=ننحر أوجاع الليالي والحظوظ اللي تعوق
قلت:وينك من سنين أحلم بشوفك يا جميله=السهر مدمى عيوني والصبر مل وتفرق
قالت:الليلة بجيك وقلت ليلة بألف ليله=من سنين أحلم بها والليلة أحلامي تحقق
التميز
الإهداءات
شبيه المستحيلة !!!
رد: ليلة بالف ليلة !!!
