قالت وهي تقفي نشوفك على خير .... واسدل على وقت ٍ جمعنا ستاير
اوودعتها والقلب ماكنه بخير .... والدمع في عيني على الجفن حاير
من يوم تلت خافقي تلت السير .... مثل العديد اللي على الطلع طاير
وامسيت كني بالخلا فاقد الطير .... واحّذف التــــلواح فوق الزبــاير
والناس ترقبني وانا حزت عصير .... مركي على الدلة وشرب الزقاير
ومادارفي ذهني من الشوق تفكير .... الا الذي مكتوب جاري وصاير
ويالايمي في حب سيد الغنــادير .... انا اشهد ان الهم يعمي البصاير
اي والله اني يالخوي ما امتلك غير .... قلبي وبراق الامل للبشـــاير
وراعي الوفا يلقى من الود تبرير .... للي ارتكب بالصــــد أم الكباير
ويوم الله رايد جمعنا بالمقــــادير .... جتني وفيها جرح الفراق غاير
وقالت عسى انك يابعدعمري بخير .... قلت اعتقد باني على الموت ساير
التميز
الإهداءات
ودعتها والقلب ماكنه بخير
