قصيدة حظها سبق حظ غيرها بالنشر
علها تروق لكم
ليت ربي يجيبك يا حسين الوصوف=غيبتك طولت والعمر ما ينتظر
لو حظي يجيبك لين عيني تشوف=كان قلبي تريح من هموم وسهر
مير حظي بلاني بالسهر والحسوف=أنتظر وأتصبر ما نفعني صبر
البعد والتجاهل لاف للقلب لوف=ما يجيني جواب ولا يجيني خبر
ليتني بس داري وش حصل من ظروف=تمنع الوصل وتغير عهود البشر
ما هقيت الليال تغير الأمن خوف=لين جربت بعدك للشقا والقهر
صارت أوهام فكري حول حال تحوف=كني الجمرة اللي هاوية في سقر
أستغيث بحنانك يا جميل الطيوف=عل تذكر عهودك في قديم الدهر
يوم كانت حلومك مع حلومي تطوف=بالليال الجميلة تحت ضوء القمر
تذكر أيام كنا متعبين الحروف=متعبين الرسائل والشعر والنثر
بعد هذا وغيره ليش هذا العزوف=ما خطر لك بليلة وصلنا تفتكر
ما هقيت القساوة من طباع الهنوف=لين جربت مر الصبر والصد امر
طال والله غيابك والمشاعر وقوف=تنتظر عوتك من عقب طول السفر
ليت ترجع وتكسب بالرجوع معروف=ترحم لحالي اللي ما يسر النظر
ليت ربي يجيبك يا حسين الوصوف=غيبتك طولت والعمر ما ينتظر
التميز
الإهداءات
ليت ربي يجيبك يا حسين الوصوف !!!
رد: ليت ربي يجيبك يا حسين الوصوف !!!
