اسعد الله صباحكم / مسائكم / بالخير ، اعضاء منتدى القوافل العربيه الاعزاء ، واعتذرررر
عن انقطاعي عن المنتدى لظروف خارجه عن ارادتي واهديكم هذي الابيات أتمنى أن ترتقي للذائـــقـــة .
ريحه بخوره
اظلم الحي..وطفا..نور المساكن
واعلن ايام..الحداد..بـ مدخله
سيطر احساس..الفراق..وبي تماكن
صرت احس..بشي لكن..اجهله
يا عيوني..علميني..وش بلاكن
يوم شفتي..يا عيوني..منزله
جيت للبيت..ولقيت الجو ..داكن
وصرت اناظره..بحزن..واتأمله
كل ركن..وزاويه..بذيك الاماكن
قمت اشوفه..يا عرب..واتخيله
ما ألومك..يا عيوني..لو تباكن
والفراق افراق..غيبه..مطوله
يوم غاب..اللي بهذا البيت..ساكن
والمنية وافته..وحان..آجله
كل الابواب..وشبابيكه..تحاكن
وين راح العود ؟ وين قفى جمله ؟
قلت ابويه..فارق الدنيا ..ولكن
كل ذكرى .. بوسط هذا البيت..له
عطره..وريحة بخوره ..بالأماكن
كل يوم ..اشمها..واشتاق له
بشير الخولي 〆
التميز
الإهداءات
ريحة بخورة
