أسعدكم الله
كل عام يجدد أعداء الإسلام الإساءة لرسول السلام
محمد بن عبدالله صلى الله عليه وسلم
والأمة من هوان الى هوان والله المستعان
فقلت:
.........
ذا زمانٍ(ن)حللوا فيه المحرم=من يقيم الشرع مفعوله جريمه
الرسول يهان والمجرم يكرم=أمة المليار ما عادت كريمه
الصحف بالغرب للمختار ترسم=أبشع المنظور يا مال العديمه
المشاهد ما تبي واحد يترجم=واضحة مقصودةٍ(ن)ماهي غشيمه
وشبقي ياغرب فينا لأجل تهزم=إرتوينا ذل وصراع وهزيمه
النظم ماعاد بالموضوع تهتم=مات حس العزم ما فيهم عزيمه
همهم بالحكم وتحب التحكم=بالشعوب اللي تحت سيف الظليمه
يحسبون الذل نوع من التقدم=والشواهد كلها باين وخيمه
من صدح بالحق بالإرهاب يتهم=والخساير تكبر وصارت جسيمه
الموالي للعدو يمدح و يحشم=والموالي للنبي يلقى شتيمه
القوي في حكمهم عارٍ(ن)يجرم=لو قتل وإلا سرق تحسب غنيمه
لين صرنا ما نبالي ونتبسم=ابتساماتٍ(ن)صفر من غير قيمه
نشبه القطعان لا جاتك تدرعم=وشبقى من وصف أخس من البهيمه
نمتدح بالعز كله لأجل نسلم=مير عزة ديننا ماهي سليمه
فهموني وشبقي من عز بهم=عزنا نقراه بعصورٍ(ن)قديمه
في زمن خالد وعقبة وبن مسلم=ذاك وقت العز والعدل بخصيمه
يوم كان الله بالدين المعظم=قبل نركع للدويلات العظيمه
حين كنا صف واحد ما تقسم=عايشين بخير في عز وحشيمه
التراحم نهجنا والرب يرحم=راح وقت العز وقلوبٍ(ن)رحيمه
وذا زمانٍ(ن)حللوا فيه المحرم=من يقيم الشرع مفعوله جريمه
التميز
الإهداءات
أمة المليار ما عادت كريمه !!!
رد: أمة المليار ما عادت كريمه !!!
