أسعدكم الله
الأبيات
تعال يمي يانظر عين مغليك=لولا الغلا ما قلت:ياحي وينك
قلبي يريدك والمشاعر تناديك=تعال ضم لعاشقٍ(ن)في يدينك
أفرح بشوفك وأنتظرك بحراويك=أرتاح بمشاهد عيوني لعينك
أهواك إيه أهواك وبروحي أفديك=يا علني ما أبكيك كلي رهينك
أرجيك ترحم ضعف قلبٍ(ن)بيرجيك=سعادتي مرسومةٍ(ن)في جبينك
أمر وأنا من قاصي الشوق بجيك=وأرمي لروحي كلها في يمينك
كل ليلة في هجعة الليل أناجيك=متى تجي تروي عروقي بلينك
مشتاق لك يا قرة العين وأبغيك=تطوي سنيني كلها في سنينك
يا علني يا نبض الأحلام ما أبكيك=يامن عروقي بالهوى تستعينك
ولهان عاشق مغرم بكل ما فيك=قلبي قسمته طوع بيني وبينك
يهناك قلب وعقل وإحساس هاويك=يبا يعزك يالغلا ما يهينك
أنا مناي وغايتي جد برضيك=هذا منى نفسي ورغبة ضنينك
أخذ من أيامي بلا حساب وأعطيك=حب وغرام وعشق ربي يعينك
إشرب صفا روحي عسى الله يهنيك=دام الوفا والصدق ديني ودينك
تعال يمي يانظر عين مغليك=لولا الغلا ما قلت:ياحي وينك
التميز
الإهداءات
تعال يمي يانظر عين مغليك !!!
رد: تعال يمي يانظر عين مغليك !!!
