السلام عليكم ورحمة الله وبركاته هذه قصيده القيتها في حفل العميد محمدخلف السعدي يوم الخميس ليلة الجمعه الموافق19-10\
بمناسبة زواج ابنه الملازم ايمن السعدي ارجو ان تحوز على رضاكم
عدبراق السحاب اللي من المنشاءمــخيلـــــــه
الهبوب اتدرجه والخير يرجا من خيالـــــــــــــه
من غزر نوه يسابق ماقعه بالارض سيلــــــــه
يسقي الخبت السناوي لاتحدر من جبالــــــــــه
مرحبا على سوايـرنا وعادتنا الاصـــــيلــــــــه
ضيفنا يلقى الشحم والطيب والتـقدير فــالـــــه
في محل محمد السعدي عسى ايامه طويلــــه
الكريم اللي عن الضيفان ماتقفــــل حلالــــــه
نادرً رحب وهلا والله الخالق وكيــــــــــلـــــــه
من كبر قدره حضرنا الحفل يوم انه دعـالــــه
باحتفال جمع الاصحاب في ليله جمـــــيلــــــه
جمعة فوق الشحم والكيف الاشقر مـن دلاله
ليلة فيها زواج ايمن تعدل الفين ليـــــــلــــــه
بارك الله للعريـس وبارك الله باحـــــــتفـالــــه
ابن سعدياً علا قدره وفاق عيال جــــــــــــيله
مثل ابوه اللي بفعله كل عـــــلم زيـن نـــالــه
شبل من هاك الاسد والدم من نفس الفصيلـه
والاســـد مايختلف عن منهجه منهــج عيالـه
يامحمد لك معزه عندنا ماهي قليــــــــــلـــــــه
مثلك يشـــرف ومن يدعيه بالميـعاد جـالــــــه
ماتعذرنا الضروف ولا المسافات الطويلـــــه
وانت من روس الرجال اللي لـهم قـاله وطاله
ياسميي المصطفى اللي دل من ضيع دلــــيله
الرسول اللي يشرفنا ليا قلنــــــــــــا خـــــواله
مرضعته اللي مقاصدها عظيمات ونـــــبـــيله
فد حباها بالفضل رب المــــــلا جـــلا جــــلاله
بنت سعدي خصها الله جل شانه بالفضــــــيله
من بني سعــــد ابن بكر اللي عتيبه من عياله
والنسب هذا يشرف كل رجلً ينتــــــميـــــــــله
وانت سعدياُ حظى بالــــعز كله والاصــــــــاله
والله انا نفتخربك وانت كساب الجــــزيلــــــــه
يالشجيع اللي عن الهقــــوات ماتقـصر حباله
ياثبيتيً تباها بالمـــــــراجل والقبـــــــــــــيـــله
مرجـــــع الهيلا من جنــوب البلاد ليا شمالـه
ربعك عتيبه مواقفهم على العائـــــــــل ثقيــله
تلطم العايل وحضــــــرة ضيفهم تكرم سبالـــه
فعلهم مشهود في جمـــــــع الطوابير المهيله
يوم ولد اللاش مصدر فجعته لمحة ضـــــلاله
والقبايل والنعم فيهم هـــــــــــــل افعالاً جليله
كل دار وحي يذكر فيه حقه من رجــــــــــاله
التميز
الإهداءات
كل دار وحي يذكر فيه حقه من رجــــــــــاله
