الأبيات
خبر مهم وبنشره تو في سبق=عن ما حصل لي يا بشر في زماني
اسبوع ادق الرقم والقاه مغلق=ما كن هذا الوقت عيد وتهاني
ودي أعايد وأسمع الصوت وأعمق=لو هي بمقياس الزمن في ثواني
لحظات في غفلة من الناس نسرق=أسمعك ياللي عنك بعدك حداني
أتعب للجوال وأتعبت للطرق=وأتعبت نفسي بالرجاء والأماني
اسبوع جوالي تبهذل من الدق=لو كان للجوال قاضي شكاني
ولو كان ولدي من قسا ضغطتي عق=وأنا أخبره ما يوم بأمرٍ(ن)عصاني
مدري خلل وإلا تعمد بلا حق=وإلا على الممنوع خلي رماني
وإلا خطأ بالرقم رقمي معلق=على رقم محظور مع شخص ثاني
أصفق بكفي كف من حرتي صفق=العيد خلص والفرح ما هناني
وشلون صار العلم ماني مصدق=هذا الذي بالعيد حاصل وجاني
لكن على ماقيل ياقلبي انطق=محبوب روحي بالتجاهل نواني
ما عاد ينفع خق لا تكثر الخق=جاني من المضنون ماهو كفاني
ما عاد باقي بالجسد نبض في عرق=إلا من أوجاع التجافي يعاني
كن المواجع شقت لخافي شق=أبكي زماني والزمن ما بكاني
خبر مهم وبنشره تو في سبق=عن ما حصل لي يا بشر في زماني
التميز
الإهداءات
اسبوع ادق الرقم والقاه مغلق !!!
رد: اسبوع ادق الرقم والقاه مغلق !!!
