بكرة مسافر !!!

أسعد الله أوقاتكم

صباحكم ومساءكم معطر بذكر الله وشكره

منكم خوة .... السفر حزمت أمتعته

بكره مسافرٍ(ن)عزمت فوق السفر=يم دار الكنانة جوها مهتوي
بنطح النيل وأشرب من غزير النهر=لين عرق الفؤاد اللي نشف يرتوي
من سنينٍ(ن)طويله مهتوي يامصر=شعب طيب وجوٍ(ن)معتدل مستوي
مصر دار الكنة للعروبة مقر=مصر قلب العرب لأميرها ورعوي
راعية للسلام ومانعة للخطر=كل ما طاب فيها للعلوم تحوي
منهو اللي يخاويني بنقعد شهر=كان طاب المقام وكان طاب الخوي
بنتمشى نجدد للفكر والنظر=والنعايم كثيرة طبخ وإلا شوي
ياهل المنتدى ردوا عليّ الخبر=علموني عن اللي للسفر منتوي
وإن مضى يوم ما جاني خبر يابشر=السلامة خلفنا فوقكم ياذوي
ما تشوفون شر ولا يجيكم كدر=ومن بغاني يدور من نشد ما غوي
عاليٍ(ن)في شموخي لين تال العمر=أمشي الدرب عدل ولا أسك الملتوي
إسمي أنا مشابه لإسم عال القمر=في مكانه رفيعٍ(ن)معتلي ما يهوي
عادتي ما تغير بر وإلا بحر=بنظم الشعر وأحسن قافيته وروي
سمعتي ما تغير في جميع الدير=العقل والرزانة ميزةٍ(ن)للسوي
بكرة مسافرٍ(ن)عزمت فوق السفر=يم دار الكنانة جوها مهتوي

صح لسانك استاذي
وفقك الله في حلك وترحالك
تروح وترجع بالسلامه
دمت في حفظ من الله ورعايته

صح لسانك للرضا ابدعت


تسافر وترجع بالسلامة


تراني خويك اذا المصاريف عليك

صح لسانك مليون ولا يكفون



رافقتك السلامة

صح لسانك شاعرنا الله يحفظك ويسعدك يارب

صح لسانك بدعت لا هنت



تقبل التحايااااااااااااااا

صح لسانك رافقتك السلام



سفرا سعيدا وعودا حميدا

صح لسانك مدد ماهو عدد


بدعت لا هنت

تقبل التحية

صح لسانك وكل كيانك احسنت فيما نظمت


رافقتك السلامة

صح لسانك يا شاعر الابداع بانتظار قصائد السفر


ترجع بالسلامة