الأبيات بدون مقدمات
يا ناشدٍ(ن)كيف حالك ليش تنشدني=وأنته قبل لا تسال تعرف مردودي
أنا رفيق السهر حكمه مجودني=اقرأ قصيدي وتعرف ويش مقصودي
بين الأمل والعنا حظي يرددني=لا نلت هذا ولا هذاك محمودي
لكن زماني على اللوعات عودني=دامي أعاني فنا لا زلت موجودي
وإن كان ودك تعرف اللي مقيدني=ما غيرك بعالمي شاهد ومشهودي
أنت السبب منك شقواتي وتسعدني=بذلت لك فالهوى عمري ومجهودي
ما فيه قبلك ولا بعدك مشردني=عن عالم الناس كني شخص مقرودي
ولا فيه غيرك يقربني ويبعدني=لكن باب الوصل باليأس مسدودي
مضى زمن وأنت تحلف لي وتوعدني=وأنا لكل الذي تفعله مشدودي
أصدقك وأنتظر وأنته مسهدني=أساهر الطيف وحدي وأكتم لهودي
طول السهر والوله والشوق لاهدني=والليل يطول عليً بعالم رقودي
أنت الذي فوق حوض السهد موردني=أشربك عطشان وأعطش منك وأعودي
أشرب بعادك وهجرك يا مهددني=بالموت وإلا الجنون بهجر وصدودي
كم عام وأنته بذا الغربة مقعدني=أنزف مشاعر غرامٍ(ن)جاوز حدودي
بنيت قصر الهوى لأجلك وكبدني=خسائرٍ(ن)طايلة والحظ مهدودي
لن صار هذا الزمن ماهو بفايدني=اللي مضى من زمن محال بيعودي
لويش تنشد فديتك ليش تنشدني=وأنته قبل لا تسال تعرف مردودي
التميز
الإهداءات
أنا رفيق السهر !!!
رد: أنا رفيق السهر !!!
