هجير الشوق !!!

يا هجير الشوق شوقي مستطير=خلف عوج الصدر ناره واقده
كيف بشفا منك يا هجر وهجير=والمشاعر في خفوقي زايده
كن قلبي بالصدر فجناح طير=كل ما يسكن يعاود هـابده
من صباح الله ليا وقت العصير=اتحسف والمواجع كايده
ودي بقرب الغلا باللي يصير=مير حظي والظروف معانده
كل ما قلت الزمن ياتي بخير=جاتني أيام صلفة جاحده
ول يا حظي علامك يانكير=تنبش جروحٍ(ن)بقلبي راكده
العمر لو طال يا حظي قصير=والشواهد باينات وشاهده
يا هجير الشوق ياليتك حرير=أهتني بك والليالي واعده
نفرح بساعات ما قبل النفير=نسقي كبود العطش يا رايده
قبل نلقى يا غرامي للمصير=المشاعر وقتها مو عايده
مير يا جرح الهوى ما فيه غير=حرقةٍ(ن)بالجوف ما به فايده
يا هجير الشوق شوقي مستطير=خلف عوج الصدر ناره واقده

روعاتك صح نبضك واحساسك شاعرنا

صح لسانك ابدعت كعادتك لله درك

رائعة من روائعك شاعر الابداااااااااااااااع

صح لسااااااااااااااانك


ابدعت ايها الراقي

احترامي

صح لسانك وكل كيانك ابدعت لله درك خالص احترامي

صح لسانك ولا هنت



تقبل التحية

صح لسانك مليون ولا يكفون



موفق

رائع لله درك


صح لساااااااااااااااااانك

صح لسانك شاعرنا روعة يعطيك العافية