واللــــه ثم واللــــه و اللــه واللـــه=ماني بلاقي عـذر وأقــول معــذار
أضحك وأنا في خاطري هم يدهاه=تعصف بي الأوجاع وتضيع الأفكار
كل الذي أعـــرفه هــم ومعــــاناة=مرت علي سـنين و البـال محتــار
جرح بقلبي والـــدواء ما بغينـــاه= من يوم قـالوا الــدواء كي بالنــار
قلت اتركوني طبكم ما طلبنـــــاه=دواي عند اللي على الهــم صبــــار
فرج يفـــرج كل كـــرب كربنـاه= أنا أعرفه وأخبره من نسـل الأحرار
وأنا ادري انه مثلي اليوم بلـــواه= لا أنا ولا هـــو رضينـا بما صــــار
ولو كان ندري كان والله دفعنــاه=لكن هذا شيء في حكـــم الأقـــدار
واللي كتبه الله علينا رضينــــــاه=ما عاد ينفـع فيه لومـات وأشــوار
ما هو كتب باللــــوح لابد نلقــاه= العبــد ما يدفـــع مقــدره لــو طــار
إن كان يبغى مطلبه ما منعنــــاه=وأن كان يبغى العفـو يا حـظ الأبرار
لكن أنا ودي ينفــــــذ بيمنـــــــاه=أخيـر من موقـف يعقـــب لنا عـار
وان كان يكفينا ترى ما خسرناه= الحــر ما يتبـــع خسـارة بمخسـار
أعتق ضعيف بالندم فا غر فــاه= غــرر به الشيطـــان وبليـس غــــدار
تكفى يا أبوسلطان يكفيه ما جاه= لا تتركه مرهـن في خلف الأسـوار
ترى الذي صار له من ذل رباه= والعفـــو عند المقـــدرة طبع الأخيار
وصل الرحم والعتق والطيب والجاه= جزاه بالجنــة بساتيـــن وانهـار
ولا خاب ظني فيه حنا خرصناه.=قال ابشروا والحـر يرجــع ولو ثـار
هذا فرج من يوم حنا عرفنـــاه.=وهاب للمعــروف لكبـــار وصغــار
قدم لنا المعروف وحنا شكرناه= واختـــار وجـــه اللــه علام لأسـرار
هذا الفعل ما أحد من الخلق يجزاه=جار الزمان وطيب الأصل ما جار
البحر ينقص لو يغرفون من ماه= وأنت يا بو سلطـــان بالجـــود غمار
قطع على الشمّات بالفعل مسعاه=ســعد الرفيــق وخـابره درع للدار
وقف بوجه العاصفة لا توطاه= عـــز القبيلـــة كلها صغــــار وكبـــار
عسى كثير من المناعير تفداه=قليل بين النـــاس تبقـــــى له أذكـار
وعسى الثلاث البيض منى تغشاه=ودوا علومــــه يا موديـــــن الأخبار
خلوا جميع الناس تدري بما أعطاه=ذيعوا بذكره بالضواحي والأمصار
وأنا أشهد إن اللي من الخير سواه= تعجــز عنه كل المنــابر والأشـعار
ويا حظ من رب المخاليق نجاه=من هول يــوم شاخصــة فيه الأبصــار
وختامها رحماه يا رب رحماه= ألطف بنا يا منجــــي اثنين بالغــــار
العبد ما ينجيه يا كود مولاه= وصلوا على المختـــــار ما شعت أنــوار
عداد ما نعلم وما هو جهلناه= وعداد ما حطت على الأرض الأمطــــــار
بيض الله وجهك يا بو ســــــلطان وهذا المأمول دائما في أمثالك كسبت أجري الدنيا والأخرة
الله يجزاك كل خير .... وقليل في ما فعلت الشكر
التميز
الإهداءات
