حينما تجد الكلام اللي يستحق الوقوف أمامه
فلك خيارين
الإكتفاء بالإعجاب او الرد والمحاكاة
وهذا ما صار معي أمام قصيدة
راع الصدق
قصيدة رائعة وتنبي عن فكر شاعر متمكن
أتمنى أرى له المزيد والمزيد من الإبداعات
أدناه قصيدته وردي عليها
قصيدة راع الصدق
وهذا ردي عليك يا راع الصدق
بديت بسم الله وذكر وتسابيح=من بعدها جبت القلم للكتابه
برد للي صلح القاف تصليح=للشاعر اللي محتشم في جوابه
الشاعر اللي صحح القاف تصحيح=كسبان من باع له والا شرى به
نقح بيوت الشعر بالفكر تنقيح=والذئب يربا في وكور الذيابه
يا شاعر لوحت بالكف تلويح=صح اللسان اللي قصيدك حكا به
الطيب في كفته رجحت ترجيح=قاف يجمل من كتبه وقرأ به
قاف يداوي للكبود المجاريح=قاف مكمل ما لقيت الخنا به
سعد قصيده عد ما هو بتنشيح=من يارده من العطش إرتوى به
سعد بفكره يقدح العرف تقديح=عصابة لراسي يا نعم العصابه
يفدا سعد أهل الوجيه المكاليح=اللي بعضهم ضايقة به ثيابه
ويفدا سعد منهو ليا قام بيطيح=اللي يدس الراس وقت الحرابه
راع الصدق ما يملح الهرج تمليح=واللي يجيب الصدق ما شيء عابه
واللي تربا بشيح يقعد على شيح=كل على ما قيل باللي ربا به
وختامها عداد فرض وتراويح=صلوا على المختار وحضرة جنابه
التميز
الإهداءات
راع الصدق !!!!
رد: راع الصدق !!!!
