إهداء للشاعر :سلطان بن عتيق المنصوري
شاعر المعنى المبدع
وأقول له بإذن الله
سيف المعنى قاب قوسين او أدنى
سلطان رمز العز مهو بكله=السيف سيفه من عصور قديمة
وقت اللوازم بالمواقف يسله=راسي بميقافه وصاحب عزيمة
الأصل ثابت والعبادات لله=مهو محسب لا وقف للخصيمة
جزل المعاني لو راسي يتله=على النقا من غير ظلم وظليمة
سلطان لا غنا الطواريق خله=يطرب عقول(ن)للمعاني فهيمة
الزين يأخذ منه والشين زله=الشعر مع سلطان صار له قيمة
جزل المعاني ما يعرف المذله=إبن الثبيتي من عزاة(ن)كريمة
سلطان لو حول على الضلع هله=سلطان سهم(ن)بالصدور العديمة
كم شاعر(ن)يهاب من زول ظله=سلطان سيف(ن)بالمعاني صريمة
واصل يا بن ثابت ودربك تدله=الدرب واضح والنوايا سليمة
وإن قابلك غلطان بالدرب قله له=المجد مجدي والخلائق عليمة
خل الذي تله قصر دون بله=إغرف بحر وأرو الكبود السقيمة
السيف بكرة بالمحافل تشله=من كف أبو خالد لكفك غنيمة
أميرنا اللي بالفعايل نجله=الشعر معنى وأنت للشعر غيمة
كل المكارم حاضرة في محله=بنا صروح(ن)للشعر مستديمة
سجل له التاريخ بأول سجله=الشعر بحضورك يا فيصل وسيمة
فيصل ولد خالد غنم من رحل له=مبنى ومعنى الشعر فيصل صميمه
الشعر والشعار من كل مله=تدعي لمن هو حط للشعر خيمة
التميز
الإهداءات
سلطان رمز العز مهو بكله..!!!
رد: سلطان رمز العز مهو بكله..!!!
