الأبيات
أقبلت مثل السحابة برقها يسبق مطرها=لين هلت وبلها فوقي وروت للعروقـي
المشاعر رحبت والقلب ما كذب خبرها=عادت الفرحة لمرباع القوافي والطروقي
يا هلا يا مرحبا يا نور روحي يا قمرها=جيتك تسوى سنين العمر يانبض الخفوقي
السنين اللي بدونك كدر الخاطر كدرها=والسويعات الجميلة معك تكفي بالحقوقي
إن سمعتك وإن رأيتك نظرتك حالي نظرها=صوتك وعينك تداوي للمواجع والحروقي
حين قلتي مقبلة روحي بهاء نورك غمرها=فز قلبي فزة الشاهين ما يحداه عوقي
طلتك ذا الليل فرحة عمر وإحساسك دررها=يا ملاكٍ(ن)مكتمل بالزين ياروعة وذوقي
القصيدة فيك غيرك لو قراها ما شعرها=والمشاعر بإتجاهك تجعل الخاطر يروقي
الله اللي جمع الروحين منا ثم سترها=إكتست بالحب والأشواق مافيها فروقي
كل روحٍ(ن)بالخلائق ما تجنب عن قدرها=دبرة المولى تعالى جل شأنه بمخلوقي
بالنهاية يا سحابة برقها يسبق مطرها=هلي الماطر عليًه لين تروين العروقي
التميز
الإهداءات
أقبلت مثل السحابة !!!!
رد: أقبلت مثل السحابة !!!!
