أسعد الله أوقاتكم
أبيات علها تروق لكم
اليوم انا مختلف ماني على خبرك=ياللي سكنت الحنايا دوك حطمها
يا قل صبري على الفرقا وياصبرك=روحي رهينتك تعتقها وتعدمها
دم الشرايين لأقلام الجفا حبرك=مشاعر القلب جمعها وقسمها
راحت حلاة الليال وفيدتي غبرك=أحكي لها قصة أيامي وأعلمها
وش صار ما بيننا في صغرك وكبرك=وأحلامي اللي بصداتك تسممها
تشكي مواجيعها من عنفك وجبرك=وأنا أشتكي يوم أشوف الحظ هدمها
دامي عرفت إن ودك زيف ومفبرك=أفواه الأحلام بالحسرات أكممها
أحيان صمت المشاعر خير لي وأبرك=قدام تغدي شتات ومن يلملمها؟
قنعت من قل جياتك ومن سبرك=قال العرب:كان ما تعجبك دمدمها
خل المواجيع تحفر قبري وقبرك=والله على ما يشاء بأمره يتممها
التميز
الإهداءات
انا مختلف ماني على خبرك !!!
رد: انا مختلف ماني على خبرك !!!
