ليت قلبي بحبك من العمر يوم=ينزرع جنب قلبك وتعرف غلاك
بعدها مايهم إن كان ودك تشوم=عن غرامي وتبقى في خيالي ملاك
باقي العمر كله بوقفه للحلوم=دامني في غرامك واقعٍ(ن)بالشباك
بسهر الليل كله ولا اريد نوم=لو كان حبك يوردني حياض الهلاك
راضي ن بالنتيجة ولا اريد لوم=المهم المشاعر تعيش بهواك
ياقمر في سمايه وغيرك نجوم=ما كتب لي نصيب اكون ليلة معاك
حال من دون نورك عسام وغيوم=والمسافة بعيدة كيف عيني تراك
ودي بشوف نورك كل ليلة ودوم=مير يا عز حالي حرمت لبهاك
أتقلب كما منهو شرب له سموم=لا تريح بموت ولا عطيته دواك
كن مكتوب فوقي عن نعايمك اصوم=ما تهنيت في وصلك ومدة يداك
ذا نصيبي بحبك ومنك محروم=والمشاعر وقلبي ما تمنى سواك
من هويتك وبالي غارقٍ(ن)بالهموم=خافقي والهواجس دايمٍ(ن)في عراك
كل ما أحط جنبي على الفرش أقوم=أتخيلك مقبل بالهنا يا حلاك
أنصدم حين يطلع حلم ماله لزوم=ليت الأحلام تصدق وكلي فداك
وليت منهو يبشرني بموعد قوم=شاغل القلب حين القلب في إشتهاك
يالله إنك تجمع شملنا يا رحوم=يا عليمٍ(ن)بحال قلوب تطلب رضاك
قرب اللي مغرقني بحلو العلوم=أتمنى مجيَه قبل هذا وذاك
لين ينظر لحالي ملاك محشوم=ياغرام الليالي رحت مثل السواك !!
وليت قلبي بحبك من العمر يوم=ينزرع جنب قلبك وتعرف غلاك
التميز
الإهداءات
نصيبي بحبك !!!
رد: نصيبي بحبك !!!
