البرق في خد مزنة !!!

الكهربه زادت على القلب شحنه=أذكت بيوت الشعر في نظم شاعر
النبض زايد والمشاعر بحضنه=مثل الجموع اللي بساحة تظاهر
كله من اللي لونها لون قطنه=بيضاء تشابه برق في ليل ماطر
مرت مرور البرق في خد مزنه=تباشرت به بالخفوق المشاعر
هالدرة اللي كنها لون لبنه=مدري بياض القطن ماني بفـاكر
ذي سكرة وإلا عسل فوق سمنه=شذى ورود وطعم كل السكاكر
حلوة رقيقة شامخة ثم فطنه=أنعم من النسناس لن مر عابر
من شافها روح مع الريح ذهنه=سواة ما روحت والرب ساتر
رمت على قلبي من النار حفنه=شبت لهيب الشوق في قلب جابر
ياليتها حطت على القلب دهنه=ما كان هلت بالسحاب المحاجر
لكنها صابت فؤادي بمحنه=أشد من محنة حبيس المخافر
أثر الهوى بعضه على الخلق لعنه=تدفع جنونه صاحبه للمقابر
ويا ويل ويل اللي يحسبه مهنه=سواة من يطعن حشاه بخناجر
وياليتني خذيت بالدين كهنه=كان إسترحت من الهوى والمناكر
ما كان صاب الصدر ضيقة وشحنه=ولا كان صار الجو بالليل عاكر
الكهربه زادت على القلب شحنه=أذكت بيوت الشعر في نظم شاعر

صح لسانك كعادتك مبدع لله درك


تقبل الحية

يعطيك العافية قصيدة ولا اروع صح لسانك

صح لسانك مدد ماهو عدد


تقبل التحية

صح لسانك ابدعت ايها الراقي



احترامي

صح لساااااااااااااااانك موفق

صح بوحك شاعرناااااااااا روعة

الله الله

صح لسانك ابداع يتجدد


احترامي

صح منطوقك شاعرنا رووووعة يسلمو

صح لسانك دائما مميز


تقبل التحية