نشدت عنك الناس والجن والطير !!!

ياللي غيابك طال كيف التدابير=ما هي بعادة تقطع الوصل يازين
طول الجفا والصد ياخل ما يصير=وش غيرك يا كامل الذوق واللين
كنت أتصبح بك وأمسيك بالخير=وأتلى العهد بمواصلك قبل شهرين
نشدت عنك الناس والجن والطير=مافيه حيٍ(ن)قال شافك ولا وين
وكتبت فيك الشعر رجز ومجارير=بلغ قصيدي فيك عدة دواوين
ياما تلمست لك بالصد تبرير=وياما على طيفك تذكرت لسـنين
ياما تلمست لك مني معاذير=وياما شكيت الود والبعد والبين
وشلون بقوى الصبر من دون تصبير=لا صرت مدري عنك يا قرة العين
بعدك هموم القلب جوفه طوابير=أشد من هم المطاليب والدين
تنتابني لوعات بين التفاكير=أخاف ما أنت بخير وأنغم بالحين
ليتك تطمني عن الحال ما غير=أخير من حيرة سواة السكاكين
مستوطنة بالقلب مثل المناشير=ترعى خلايا الود جوف الشرايين
وإن كان ما تقدر ودونك محاذير=عز الله إن الحال من بعدك يشين
بدق في نعش الأمل للمسامير=وأستخلف الله في غرام المحبين
ياللي غيابك طال كيف التدابير=ما هي بعادة تقطع الوصل يازين

صح لسانك مدد ماهو عدد


تقبل التحية

صح لسانك ولا هنت ايها الراقي


تقبل التحايااااااا

صح لسانك ولا هنت شاعرنا العذب رووووعة

يعطيك الف عافية وصح لسانك واحساسك

قصيدة ممتازة صح لسانك وفقك الله

صح لسانك ابداع شاعر لله درك وفقك الله

الله الله


صح لسااااااااااانك مليون ولا يكفون ابدعت لا هنت

صح لسانك واعتلا شانك


تقبل التحايااااا

صح بوحك واحساسك شاعرنا المبدع