شيخة أشعاري !!!

شيخة أشعاري تعزف العشق بأوتار الحناجر=مثل ما يعزف لحون الشعر عازف سمسميه
ما كتبتك يا قصيدة لأجل جمهور المنابر=القصيدة تنكتب من شأن عين اليعربيه
لأجلها نكتب قصيد ولأجلها تجهز عساكر=ولأجلها كف العطايا بالعطايا حـاتميه
يا محركة المعاني بالقوافي كيف شاعر=يا مداوية الجروح النازفات السرمديه
امطريني بالغرام اللي يهيج للمشاعر=واحصديني بعد غيثك مثل ذوب السكريه
فيك مدري منك كل اللي حصل في قلب جابر=كني المجنون قيس وكنك أنتِ(ي)عامريه
كل ما مريتي بذهني تمنتك المحاجر=ودي بشوفك و ودي تلمسك جمرة يديه
يا شبيه الشهد مدري يا شهد فوقه سكاكر=كل ما هو فيك يبهج خاطري مية بميه
ما نسيتك يا غرام المهتوي ماضي وحاضر=أتمنى تقرب شوية وأنا أقرب لك شويه
نسقي عروق الوله ما ننتظر بالوقت باكر= أنت عندي عشق نادر شوفتك نور لعينيه
وإن سألتي ليش قلت الصدق ماني عاد ناكر=الهوى سهمه وقع خلف الضلوع الجابريه
إن نزعته تل قلبي وإن تركته سهم غاير=خايف إنه يورد المجروح حيضان المنيه
البداية منك وختام الحكاية منك بادر=لا تقدم للمعاذير بعوايد جاهليه
مثل ماني جيتك بكلي كما الطوفان ثاير=ما عليه من عواذل يحسدوني ما عليه
دام وصلك صار ممكن ما عليه من مخاطر=لو تروح الروح ترخص لأجل عينك يا بنيه
بس قولي مرحبا بك يا هلا والزين يامر=لو يبا روحي أقدمها على كفي هديه
شيخة أشعاري تعزف لشيختي وتر الحناجر=مثل ما يعزف لحون الشعر عازف سمسميه

كلماتك عذبة
لها من الجمال والتألق الكثير والكثير
لقد استمتعت جدا بما قرأت
من عذب الكلمات والمعاني الجميلة
/
شاعرنا
/
لك ذوق وإحساس مرهف دام بوحك ونزف قلمك
بهذا العطاء والتميز وكلنا في أنتظار المزيد من إبداعك.
أرق التحايا لك بعد غياب

صح لسانك ولا هنت ايها الشامخ تألق


احترامي والتحية

يعطيك الف عافية وصح لسانك قصيدة راقية


تقبل التحية

صح لسانك ابداع لا يستغرب لله درك

روعة تسلم الايادي والاحساس الراقي صح لساااانك

روعة شاعرنا العذب صح بوحك ولسااااانك

صح لسانك شاعرنا



روووووعة

صح لسانك ولا هنت ابدعت شاعر الجزالة

صح لسانك ولا هنت ابدعت وامتعت


تقبل التحية