يامهدريـن امـوال بيت المسـلميــن

يامهدريـن امـوال بيت المسـلميــن
ضاعت قيمنــا بين لاهي وداري

وصرنـا نعـم للغـرب مثـل القرابيـن
وماعــاد فينــا مستقــل القـــراري

وبين الخمــال وبين كثــر الجثاميـن
صار الشهيد اللي يموت انتحـاري

ومن جوربعض المفسدين الملاعين
دم العـــرب ما بين بايـع وشــاري

وناتج حصيـلة مقتفيــن الشــياطيــن
دم الفقارى في ثرى الشــام جاري

وضعنا مابين الرافضة والسـلاطين
وبين الشكــاوي من فسـادٍ اداري

ومابين غايـات النخـب والمُــرائيـن
درب الغياهب ضيع احلام داري

والضيقة اللي نزلـت دمعـت العيــن
فاقت معــدل الاحتبـاس الحـراري

وياناس يااللي مع هوا النفس لاهين
مافيكـم احـداً بالمســـاكيــن داري

ويامحاربين بجهلكــم راعي الــدين
تفكـــروا فيمــا ورد بالبخــــاري

الله المستعان


صح لسانك وفيت وكفيت لا هنت

صح لسانك واعتلا شانك ابدعت ولا هنت وصدقت فيما دونت

لله درك


احسنت فيما نظمت وصدقت فيما قلت

صح لسانك واعتلا شانك ابداع متجدد

الله يصلح شان المسلمين

الفساد عم البر والبحر

صح لسانك هي الاموال بس الا هربوا الاوطان بكاملها

موفق

صدقت والله كل الدنيا خربوها المال والدين والاخلاق وما بقا شيء ينبكى عليه

صح لسانك مدد ماهو عدد

ابداع شعري

موضوع جدير بالكتابة فيه

تقبل التحية

الغالي ذئب الطائف صح بدنك لاهنت ولاهان غاليك تسلم والله يجزاك خير

دمت ودام تواصلك طال عمرك

صح لسانك واعتلا شانك وفيت وكفيت


خالص التحية